Хаартыска СӨ Баһылыгын уонна Бырабыыталыстыбатын пресс-сулууспатыттан
Дьокуускайга анал байыаннай дьайыы кыттыылаахтарын дьиэ кэргэттэрэ Арассыыйа Федерациятын Уопсастыбаннай балаататын сэкиритээрин бастакы солбуйааччытын, Арассыыйа Дьоруойун Вячеслав Бочаровтыын көрсүстүлэр. Бу туһунан СӨ Баһылыгын уонна Бырабыыталыстыбатын пресс-сулууспата иһитиннэрэр.
Брифиҥҥэ Саха сирин Аҕа дойду буойуннарын дьиэ кэргэттэрин кэмитиэтин салайааччытын солбуйааччы Саргылаана Неустроева маннык эттэ: «Аҕа дойдуну көмүскээччилэрбит дьиэ кэргэттэрэ судаарыстыба кинилэргэ күүс-көмө уонна өйөбүл буоларын билэллэрэ биһиэхэ олус суолталаах. Вячеслав Бочаров курдук дьону кытта хас биирдии көрсүһүү, тустаах көмө туһунан дьүүллэһии эрэ буолбакка, кинилэр үлэлэрэ уонна сиэртибэлэрэ сыаналанарын, оҕолоро уонна чугас дьонноро уопсастыба көмүскэлигэр сылдьалларын билэр кыаҕы биэрэр».
Көрсүһүү кэмигэр дьиэ кэргэттэр социальнай өйөбүл боппуруостарын: төлөбүрдэри, чэпчэтиилэри, доруобуйаларын чөлүгэр түһэрэр бырагыраамалары уонна байыаннай сулууспалаахтар оҕолоругар үөрэхтээһин көҕүлээһиннэрин быһаччы ырытыстылар. Кэмитиэт ону таһынан ыччаты патриотическай иитиигэ уонна Аҕа дойдуну көмүскээччилэр дьиэ кэргэттэрин бары өттүнэн өйүүргэ туһуламмыт бырайыактары көрдөрдүлэр.
Вячеслав Бочаров бары этиилэр болҕомтоҕо ылыллыахтарын уонна РФ Уопсастыбаннай балаататыгар көрүллүөхтэрин тоһоҕолоото. Кини кэмитиэккэ анал байыаннай дьайыы кыттыылаахтарын дьиэ кэргэттэрин өйүүллэрин иһин махтанна, уопсастыба уонна судаарыстыба икки ардыларынааҕы социальнай сомоҕолоһууну уонна итэҕэли бөҕөргөтүүгэ маннык эрэгийиэннээҕи көҕүлээһиннэр улахан суолталаахтарын бэлиэтээтэ.
Саха Өрөспүүбүлүкэтин Аҕа дойду буойуннарын дьиэ кэргэттэрин кэмитиэтэ 2023 сыл тохсунньутугар Арассыыйа Федерациятын Бэрэсидьиэнэ Владимир Путин көҕүлээһининэн, Саха сирин Ил Дархана Айсен Николаев өйөбүлүнэн тэриллибитэ. Кэмитиэт тэриллиэҕиттэн ыла Аҕа дойдуну көмүскээччилэри уонна кинилэр чугас дьоннорун харыстааһыҥҥа уопсастыба уонна судаарыстыба күүстэрин координациялыыр сүрүн былаһаакканан буолла.
Сиһилии: https://www.sakha.gov.ru/news/11755
Бүгүн кэпсэтэр киһим, Угледар хайысхатынан сылдьыбыт, Бүлүү улууһуттан төрүттээх «Дуолан» диэн позывнойдаах штурмовик Борис Иванов…
Дьокуускайга Бүлүүттэн 16 саастаах оҕону санрейсинэн аҕаллылар. Кини балаҕан ыйын 11 күнүгэр суол саахалыгар эчэйбит…
Горнай улууһун дьаһалтатын исписэлиистэрэ Горнайдааҕы экологическай кэтэбил иниспиэксийэтин кытары бииргэ Бүтүн Арассыыйатааҕы «Өйдөбүл саада» экологическай…
Бэҕэһээ Дьокуускайга "Азия" киинэ тыйаатырыгар Н.О. Кривошапкин аатынан 5 №-дээх оскуола медиа-студиятын киинэлэрин премьернай көрдөрүүтэ…
Эбээн-Бытантай улууһугар биооттугунан үлэлиир саҥа хочуолунай үлэҕэ киирэри турар. Бырайыак олоххо киириитэ РФ Тутууга министиэристибэтин…