Байыаннай дьайыы кыттыылаахтарын дьиэ кэргэттэрэ былаас уонна байыаннай чаастар бэрэстэбиитэллэрин кытта көрүстүлэр 

Сэтинньи 6 күнүгэр РФ Бэрэсидьиэнин иһинэн Саха Өрөспүүбүлүкэтин бастайааннай бэрэстэбиитэлэ Андрей Федотов, генерал-лейтенант Роман Греков уонна полковник Михаил Досугов «Аҕа дойду буойуннарын дьиэ кэргэттэрин кэмитиэтин», Саха сиринээҕи «Байыаннай дьайыы буойуннарын кэриэстэрэ» дьиэ кэргэн сойууһун чилиэннэрин уонна байыаннай дьайыы кыттыылаахтарын дьиэ кэргэттэрин кытта көрүстүлэр.

Көрсүһүү III Фашизмы утары пуорум чэрчитинэн ыытылынна. Кыттааччылар аһаҕас кэпсэтии кэмигэр бэйэлэрин долгутар боппуруостарын биэрэн, хоруйдары ыллылар. Байыаннай дьайыы кыттыылаахтарын дьиэ кэргэттэрин чилиэннэригэр тус көрсүһүүлэр тэрилиннилэр.

«Байыаннай дьайыы бара турара төрдүс сылыгар барда, бу кэм устата үгүс үлэ-хамнас систиэмэлэннэ, буойуттарга уонна кинилэр дьиэ кэргэттэригэр бары боппуруостарга өйөбүл оҥоһуллар. Бүгүҥҥү күҥҥэ бу боппуруостар өрөспүүбүлүкэ салалтатын уонна былаас бары уорганнарын сүрүн соруктара буолаллар», – диэн РФ Бэрэсидьиэнин иһинэн Саха Өрөспүүбүлүкэтин бастайааннай бэрэстэбиитэлэ – СӨ бырабыыталыстыбатын бэрэссэдээтэлин бастакы солбуйааччы Андрей Федотов бэлиэтээтэ.