Хаартыска: sakha.gov.ru саайтан.
Өрөспүүбүлүкэтээҕи доруобуйаларынан хааччахтаах оҕолор уонна улаатан эрэр оҕолор реабилитационнай кииннэригэр байыаннай дьайыы кыттыылаахтарын дьиэ кэргэттэрэ, барыта 383 киһи, ол иһигэр 229 оҕо уонна 154 улахан киһи, социальнай реабилитацияны ааспыттар.
Бу туһунан киин дириэктэрэ Зинаида Максимова тохсунньу 30 күнүгэр ыытыллыбыт брифиҥҥэ иһитиннэрдэ.
“Реабилитационнай процедураны уонна дьарыктаныылары таһынан элбэх социальнай-култуурунай тэрээһиннэри ыытабыт. Хас биирдии саҥа бөлөх дьон кэллэ да, үлэбитин төрөппүт мунньаҕыттан саҕалыыбыт. Онно тугу, хайдах гыныахха сөбүн, ханнык процедураны ылыахха наадатын уонна бэйэҥ оҕоҕор хайдах көмөлөһүөххэ сөбүн туһунан сиһилии быһаарабыт”, — диир Зинаида Максимова.
Соторутааҕыта кинилэргэ «Мой бизнес» киин үлэһиттэрэ кэлэн, бэйэ дьыалатын хайдах тэринэр туһунан лиэксийэ-кэпсэтии оҥорбуттар. Максимова этэринэн, реабилитаннар бу тэрээһиҥҥэ олус интэриэстээхтик сылдьыбыттар уонна урбаан хайысхаларыгар консультация ылбыттар. Тохсунньу 21 күнүгэр “Бибилэтиэкэ 03” исписэлиистэрэ кэлэн, оҕолорго уонна төрөппүттэргэ кинигэнэн хайдах туттарга маастар-кылаастары, ону тэҥэ “Необычая книжная закладка” маастар-кылааһы ыыппыттар. Култуура министиэристибэтэ түмэллэргэ босхо экскурсияны тэрийтэрэн, кииҥҥэ эмиэ улахан өйөбүлү оҥорор.
Киин материальнай баазата аныгы кэм ирдэбилигэр эппиэттиир. Күнүстэри-түүннэри үлэлиир стационар баар, онно улуустан кэлбит дьону олохтууллар. Оҕолору күҥҥэ биэстэ, улахан дьону үстэ аһаталлар.
Кииҥҥэ киирбит оҕолор доруобуйаларыгар кэлим диагностиканы бараллар. Манна олоҕуран, хас биирдиилэригэр социальнай реабилитация маршрута оҥоһуллар. Ордук улахан болҕомто төрөппүт психологическай туругар ууруллар. Кинилэр хас да хайысхалаах социальнай реабилитацияны ааһаллар, диэн иһитиннэрэр Ил Дархан, бырабыыталыстыба пресс-сулууспата.
Абый улууһугар сеймсологическай түгэн буолбутун туһунан Дьокуускайдааҕы филиалга “Билим Арассыыйатааҕы академиятын единэй геофизическэй сулууспата” киин…
Өрөспүүбүлүкэ икки сэлиэнньэтигэр саҥа култуурунай-спортивнай комплекстар аһылыннылар. Бу туһунан Ил Дархан Айсен Николаев МАКС-сыһыарыыга ханаалыгар…
Аҕа дойду Улуу сэриитин бэтэрээнэ Петр Константинович Яковлев олохтон туораата. Бу туһунан СӨ Үлэҕэ уонна…
Сокуоннай сааһын туола илик оҕо ийэтэ, оҕо быраабын көмүскүүллэригэр суруйбут суругунан Кэбээйи улууһун борокуратуурата бэрэбиэркэ…
Москва куорат оҕо быраабыгар боломуочунайа Ольга Ярославская бэс ыйыгар оҕолору үөрэтиэххэ баар этэ диэн эппит.…
Усуйааанатааҕы суол учаастагын производственнай баазатын гарааһыгар биир сонун ыалдьыттаннылар. "Дороги Арктики" тэрилтэ Уус Куйгаҕа баар…