Байыаннай дьайыы кыттыылаахтарын дьиэ кэргэттэригэр ньирэйдэри түҥэттилэр

Ньурба улууһун дьаһалтатын быһаарыытынан байыаннай дьайыы кыттыылаахтарыгар тарбыйах түҥэтиитэ буолан ааста. Бу туһунан  «Октябрьскай нэһилиэк» МТ  дьаһалтата иһитиннэрдэ.

Баҕалаахтартан сайаапка  хомуллан Антоновкаҕа Күндээдэ «Хаар дьиэ» диэн сайылыгыттан тоҕус ньирэйи аҕалбыттар.

Олохтоох дьаһалта, БОН үлэһиттэрэ техникалаах көмө буоллулар. Байыаннай дьайыы кыттыылаахтарын дьиэ кэргэннэрэ маннык көҕүлээһиҥҥэ улуус дьаһалтатыгар махтаналлар.