Байыаннай дьайыы кыттыылаахтарын дьиэ кэргэттэрэ кэлим реабилитацияны бардылар

Өрөспүүбүлүкэтээҕи доруобуйалара хааччахтаах оҕолорго аналлаах реабилитациялыыр кииҥҥэ байыаннай дьайыы кыттыылаахтарын  дьиэ кэргэттэрин 642 чилиэнэ, ол иһигэр 372 оҕо уонна 270 улахан киһи кэлим реабилитацияны аастылар. Бу туһунан дириэктэр э.т. Анна Пудова  иһитиннэрдэ.

«Ил Дархан Айсен Николаев ыйааҕын толорон, реабилитациялыыр киин байыаннай дьайыы кыттыылаахтарыгар уонна кинилэр дьиэ кэргэттэригэр кэлим реабилитационнай бырагырааманы олоххо киллэрдэ. Оҕолорго ураты болҕомто ууруллар, кинилэр психолог, дефектолог уонна логопед, массажист көмөтүн ылаллар, ону тэҥэ физиопроцедуралар, гидротерапия уонна эмтиир физкултуура баар», — диэн бэлиэтээтэ Анна Пудова.

Дириэктэр эбээһинэһин толорооччу этэринэн, киин «Эрэллэ бэлэхтээ» бырайыак чэрчитинэн улахан дьоҥҥо биирдиилээн психотерапевт консультациятын, психологическай дьарыктары уонна маастар-кылаастары ыытар. Бу туһунан Ил Дархан, бырабыыталыстыба пресс-сулууспата иһитиннэрэр.