Байыаннай дьайыы кыттыылаахтарын дьиэ кэргэттэрин кэмитиэтэ «КСВО -Харысхал» бырайыагы олоххо киллэрэр

Байыаннай дьайыы кыттыылаахтарын дьиэ кэргэттэрин кэмитиэтэ былырыыҥҥыттан, 2024 cыл балаҕан ыйыттан, «КСВО -Харысхал» диэн саҥа бырайыагы үлэлэтэр.

Манна байыаннай дьайыы кыттыылаахтарын ийэлэрэ, кэргэттэрэ, эдьиийдэрэ, балыстара кэмитиэт баазатын чэрчитинэн өрөбүллэргэ мусталлар. Кинилэр мустан бэйэ-бэйэлэрин кытта кэпсэтэллэр, алтыһаллар. Байыастарга харысхаллары, хаххалыыр сиэккэлэри оҥороллор, санааларын үллэстэллэр, — диэн байыастар дьиэ кэргэттэрин кэмитиэтин бэрэссэдээтэлэ Саргылана Неустроева бэлиэтиир.

«Евгения биһиэхэ икки дьүөгэтин кытта ыҥырыынан кэлбитэ. КСВО салайааччыта Марина Бахилина салалтатынан сир астаабыттара, тэллэйдээбиттэрэ, айылҕаҕа сылдьыбыттара. Кэмитиэт нөҥүө олохтоох управаттан көмө ыланнар, сири-уоту ыраастаабыттара, тутуу матырыйаалларын дьаарыстаабыттара», — диэн санаатын үллэстэр.

Сэтинньигэ Евгения дьиэтин иккис этээһин кирилиэһин тутуу уонна толору хааччыллыы усулуобуйатын дьиэтигэр киллэриигэ көмө көрдөөбүтэ.

«Кэмитиэт хадатаайыстыбатынан ахсынньы саҥатыгар Евгения боппуруоһа Ил Дархан Айсен Николаевка көрсүһүүгэ көрүллүбүтэ.  Евгения байыаннай дьайыы кыттыылааҕын огдообото. КСВО үлэтэ — кыһалҕаны туоратыһыы, быһаарыы», — диэн Саргылаана Неустроева этэр.