Хаартыска: СИА.
Судаарыстыбаннай Дуумаҕа былырыын гражданскай ыал буолууну билинэргэ кыаҕы биэрэр сокуон барыла киллэриллибитэ. Бу сылга сокуон барыла бастакы ааҕыыга көрүллүөҕэ.
Ол курдук, анал байыаннай дьайыы кыттыыллааҕа өлбүт эбэтэр сураҕа суох сүппүт, гражданскай дьиэ кэргэттэр сыһыаннара официальнайдык регистрацияламматах буоллаҕына бырааптара федеральнай сокуонунан көмүскэниэҕэ. Докумуон Судаарыстыбаннай Дуума сокуону оҥоруу тиһигэр регистрацияламмыт.
«Сокуон барыла байыаннай дьайыыга кыттыбыт уонна өлбүт байыастар дьиэ кэргэттэрин интэриэстэрин көмүскүүргэ туһуланар. Билигин гражданскай ыал буолан олоруу түбэлтэтэ элбэх. Ол сыһыанынан гражданнар ыал буолууларын официальнайдык регистрациялаабаттар, элбэх сыл бииргэ олорон үгүс оҕолоноллор. Маннык быһыыга-майгыга ыаллар сүрүн иитэр аҕалара суох хаалар түгэнэ кытары баар. Онуоха сокуонан бу сулууспалаахтар дьиэ кэргэттэрин интэриэстэрин көмүскүүр быраап мэхэньииһимнэрэ көрүллүбэттэр», — диэн дьокутаат Павел Крашенинников быһаарар.
Сокуон барылынан анал байыаннай дьайыы байыастарын гражданскай кэргэттэрин кытта ыал буолууларын билиниэхтэрэ. Бу дьаһал анал байыаннай дьайыы сиригэр сулууспалыыр байыастарга кытта тарҕаныаҕа. Ыал буолуу чахчытын бигэргэтэргэ үс сылтан итэҕэһэ суох бииргэ олорбуттара, ону таһынан биир сыл иһигэр оҕо төрөөбүт уонна уопсай хаһаайыстыбалаахтара эрэйиллэр. Байыаннай дьайыыга байыас өлбүт эбэтэр сураҕа сүппүт буолар түгэнигэр ыал буолуу сыһыаннарын билиниигэ суут бэрээдэгинэн олохтонор. Суут уурааҕынан ыал буолууларын туһунан быһаарыы ылыныллар.
Соторутааҕыта итиигэ буһан, сэрэхтээх эчэйиини ылан, Өрөспүүбүлүкэтээҕи 2 №-дээх балыыһа Ожоговай отделениетыгар эмтэннибит. Итиигэ буһууну…
Сэмэнчик сибээскэ тахсыбатаҕа хас да хоммутун туһунан сонуну истибиппит. Дьоно хамандыырын кытта кэпсэппиттэригэр: “Кэтэһэбит, арааһынай…
Кыбартыыра бас билээччитэ өлбүтүнэн нэһилиэстибэни ылыахха диэри онно регистрациялаах олохтоохтор, аймахтар уонна нэһилиэнньиктэр олорор бырааптара…
Былырыын Хэбэй акробатическай (цирковой) ускуустуба оскуолата Саха сириттэн 20 оҕону ылан үөрэтэргэ сөбүлэҥин биэрбитэ. Пекиннээҕи…
Ааспыт суукка иһигэр Саха сиригэр түөрт техногеннай баһаар тахсыбыта бэлиэтэннэ. Быһылааннар түмүктэригэр эчэйбит уонна өлбүт…
Балаҕан ыйа. Киһи ордук күһүҥҥү уһун киэһэлэргэ санааҕа-онооҕо ылларан, ханна эрэ сылаас дойдуга, саҥа эйгэҕэ,…