Байыаннай дьайыы кыттыылаахтарын ийэлэрэ уопсастыбаннай түмсүү тэриниэхтэрэ

Майа сэлиэнньэтин дьаһалтатыгар анал байыаннай дьайыы кыттыылаахтарын ийэлэригэр төгүрүк остуол тэрилиннэ.

Манна социальнай көмүскэллээх буолуу салалтатыттан Александр Игнатьев, «Сахатранснефтегаз» АУо улуустааҕы учаастагын начаалынньыга Анастасия Федорова, баайга-дуолга уонна сир сыһыаннаһыыларыгар ааҕыныстыбаттан Ариян Тарабукин, улуустааҕы социальнай координатор Елена Аммосова кэлэннэр Майа сэлиэнньэтин, Хара, 1-кы Тыыллыма нэһилиэктэрин ийэлэрин кытта аһаҕас кэпсэтиигэ кыттыстылар, сир-уот, гаас киллэттэриитин, социальнай көмөлөр тула баар ыйытыктарга хоруйдаатылар.

Көрсүһүүнү Майа дьаһалтатын дьиэ кэргэн киинин салайааччыта Владлена Павлова көҕүлээн, иилээн-саҕалаан тэрийдэ.

Ийэлэр истиҥ көрсүһүүгэ турар боппуруостарыгар тута хоруй ылан астынан, дуоһуйан бардылар, түмүккэ Майа сэлиэнньэтин анал байыаннай дьайыы кыттыылаахтарын ийэлэрэ диэн уопсастыбаннай түмсүү тэринэр санааҕа кэллилэр.

Мэҥэ Хаҥалас улууһун дьаһалтатын пресс-сулууспата