Хаартыска СӨ Баһылыгын уонна Бырабыыталыстыбатын пресс-сулууспатыттан
Байыаннай дьайыы кыттыылаахтарын оҕолорун уонна кинилэри арыаллыыр дьиэ кэргэн чилиэннэрэ доруобуйаларын Доруобуйаларыгар хааччахтаах оҕолору чэбдигирдэр, чөлгө түһэрэр өрөспүүбүлүкэтээҕи кииҥҥэ, ону таһынан өрөспүүбүлүкэ улуустарыгар баар оҕо уонна улаатан эрэр оҕону чэбдигирдэр кииннэргэ бөҕөргөтөллөр.
Бу туһунан, балаҕан ыйын 28 күнүгэр, брифиҥҥэ Доруобуйаны чөлүгэр түһэрэр киин дириэктэрэ Зинаида Максимова иһитиннэрдэ.
«Оҕолору кытары кинилэри арыаллыыр дьон, холобур, ийэлэрэ, эбээлэрэ, эһээлэрэ эбэтэр улахан эдьиийдэрэ, убайдара доруобуйаларын бөҕөргөтөр кууруһу ылаллар. Бүгүҥҥү күҥҥэ маннык 133 киһи доруобуйатын бөҕөргөттө. Оҕолору кытары уйулҕа үөрэхтээхтэрэ үлэлииллэр, арт-терапия, театро-терапия уонна атын даҕаны тэрээһиннэр ыытыллаллар. Ону таһынан мэдиссиинэ көмөтө: массаас, эмтиир физкультура, физиотерапия уонна да атын процедуралар оҥоһуллаллар», – диэн кэпсээтэ Доруобуйаны чөлүгэр түһэрэр киин дириэктэрэ.
Улахан дьоҥҥо итини таһынан анал бырагыраама оҥоһуллубут. Онно физиотерапия, ситимэ суох массаас уонна киһини уоскутар отунан-маһынан оҥоһуллубут чэйдэри иһэрдии баарын туһунан Зинаида Максимова эбэн эттэ.
Байыаннай дьайыы кыттыылаахтарын дьиэ кэргэннэрэ доруобуйаларын бөҕөргөтүөхтэрин баҕардахтарына, олорор сирдэринэн социальнай харысхал уорганыгар сайаапка биэриэхтээхтэр. Өрөспүүбүлүкэ хас биирдии оройуонугар квота көрүллүбүт, онон социальнай үлэһиттэр көмө көрдөөччүлэри Дьокуускай куоракка ыытыахтаахтар.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…