Хаартыска: sakha.gov.ru саайтан
СӨ Үөрэххэ уонна билимҥэ министиэристибэтэ байыаннай дьайыы кыттыылаахтарын уонна кинилэр дьиэ кэргэттэрин өйүүр үлэни салгыы ыытар. Ол курдук Краснодарскай кыраайга байыаннай дьайыы кыттыылаахтарын оҕолоро (960 оҕо) алта симиэнэнэн алтынньы 5 күнүгэр диэри сынньаналлара былааннанар. Ол туһунан от ыйын 8 күнүнээҕи брифиҥҥэ миниистир бастакы солбуйааччыта Алевтина Аргунова иһитиннэрдэ.
“Соторутааҕыта байыаннай дьайыы кыттыылаахтарын 160 оҕолоро Кранодарскай кыраайга “Созвездие” ДОЛ-га сынньанан кэллилэр. Бэс ыйын 22 күнүгэр 16 улуустан 154 оҕо иккис симиэнэҕэ көттө. От ыйын 13 күнүгэр 13 оҕо көтүөхтээх”, — диэн кэпсээтэ Алевтина Аргунова.
Маны таһынан, өрөспүүбүлүкэтээҕи “Чэбдик” лааҕырга 56 оҕо, “Энергетиккэ” 40 оҕо сынньана сылдьаллар.
Санатан эттэххэ, былырыын 2023 сыллаахха 1823 оҕо сынньаммыта, доруобуйатын бөҕөргөтүммүтэ, ол онтон 346 оҕо судаарыстыбаннай лааҕырдарга, 1477 оҕо муниципальнай лааҕырдарга сылдьыбыта.
Сайыҥҥы сынньалаҥ тэрээһинин уонна оҕо доруобуйатын бөҕөргөтөр боппуруостарынан бу ньүөмэртэн ыйытыҥ — +7 800 550-14-21, эрийэн тиийии босхо, диэн иһитиннэрэр СӨ Ил Дарханын уонна СӨ Бырабыыталыстыбатын пресс-сулууспата.
Ытык-мааны Таатта сиригэр-уотугар "Манчаары" оонньуулара ыытыллыбыта нэдиэлэ буолла. Бүгүн быһаарыылаах түмүк күн. Хас күн ахсын…
«Мэйии. Үгэс. Ыра санаа» документальнай киинэ сүрэхтэниитэ 2025 сыл балаҕан ыйыгар Дьокуускайга, Санкт-Петербурга уонна Москваҕа…
Бүгүн үс күннээх V өрөспүүбүлүкэтээҕи «Yлэ, иис күрэҕэ» иистэнньэҥ ийэлэр уонна волонтердар күрэстэрэ, «Кыайыы 50…
Кэлэр нэдиэлэҕэ Дональд Трамп, АХШ-ка 500%-наах пошлиналаах сааҥсыйатын бакыата ырытыллар кэмигэр, «Арассыыйа туһунан улахан суолталаах…
Сыл аайы сөтүөлүүр кэм саҕаланыыта уончанан киһи ууга ыстанарга биир сэрэҕэ суох хамсаныыттан сиһин тоноҕоһун…
Арассыыйа Бэрэсидьиэнэ Владимир Путин судаарыстыбаннай тыл бэлиитикэтин сүрүннэрин бигэргэтэр туһунан ыйаахха илии баттаата. Бу ыйаах…