Байыаннай дьайыы кыттыылаахтарын оҕолоро лааҕырдарга путевкалары ыллылар

Байыаннай дьайыы кыттыылаахтарын оҕолоро лааҕырдарга бохсо путевкалары туттулар диэн СӨ Үөрэххэ уонна наукаҕа миниистирэ Ирина Любимова иһитиннэрэр.

«Үөрэх уонна наука министиэристибэтигэр байыаннай дьайыы кыттыылаахтарын оҕолорун сынньалаҥ уонна доруобуйа кииннэригэр суруттарар суукканы быһа үлэлиир ыстаап тэриллибитэ. Дьокуускайга баар «Бэс чагда» кииҥҥэ 325 босхо путевка көрүлүннэ. Итиэннэ Сунтаар Кэмпэндээйитигэр баар «Сир уустара» санаторийга 85 путевка көрүлүннэ. Бүгүҥҥү күҥҥэ бу лааҕырдарга оҕолор номнуо сынньана сылдьаллар», — диэн миниистир Ирина Любимова иһитиннэрэр.

Сайыннары үлэлиир туох баар атын өрөспүүбүлүкэтээҕи уонна муниципальнай лааҕырдарга эмиэ босхо путевкалар көрүллүөхтэрэ. Бу туһунан сиһилии тэриллибит ыстааптан 8 800 550-14-21 нүөмэргэ эрийэн билсиҥ.