Байыаннай дьайыы кыттыылаахтарын оҕолоругар көмө салгыы оҥоһуллар

Ленскэй нэһилиэк олохтоох дьаһалтата тэрийбит «Оскуолаҕа киирэргэ көмөлөһөбүт» аахсыйата Нам сэлиэнньэтигэр салҕанар. Бу күннэргэ үөрэххэ наадалаах маллары Элбэх өҥөнү оҥорор киин «Мин докумуоннарым» уонна  «Эрэл» ТХПК үлэһиттэрэ үөрэнээччилэргэ туттардылар, диэн «Эҥсиэли» хаhыат суруйар.

Үтүө санаалаах Нам улууһун туруу үлэһиттэрэ байыаннай дьайыы кыттыылаахтарын чугас дьонугар бэйэлэрин көмөлөрүн биэрдилэр. Ол курдук, «Оскуолаҕа киирэргэ көмөлөһөбүт» аахсыйаҕа  Намнааҕы бэтэринээрийэ, киин балыыһа үлэһиттэрэ кыттыһаннар байыастар оҕолоругар үөрэххэ сөптөөх наадалаах маллары туттараллар.  Киин балыыһа кэлэктиибэ 6 дьиэ кэргэн 10 үөрэнээччитигэр көмө оҥордо.

Тэрийээччилэр «Оскуолаҕа киирэргэ көмөлөһөбүт» аахсыйа балаҕан ыйын 14 күнүгэр диэри салҕаныаҕа.

Тэрилтэ салайааччылара, түөлбэ көхтөөх олохтоохторо, түмсүүлэр оҕо үөрүүтүн үксэтэр үтүө аахсыйаҕа эрэллээхтик кыттыһыахтара диэн эрэнэллэр. Көмө оҥорууттан туора турбат дьону-сэргэни 89142983862 нүөмэргэ эрийэн билсэргэ ыҥыраллар.

Харысхан Попов