Хаартыска: sakha.gov.ru саайтан
Саха сирин үөрэхтээһинин тиһигэр байыаннай дьайыы бэтэрээннэрин уонна кыттыылаахтарын дьиэ кэргэттэрин оҕолоругар псхологическай-педагогическай көмө үлэтин саҕалаата.
Саҥа алгоритм уһуйааннары, оскуолалары, орто, үрдүк үөрэх кыһаларын хабар, диэн иһитиннэрэр Ил Дархан, бырабыыталыстыба пресс-сулууспата.
Өрөспүүбүлүкэтээҕи психологическай-педагогическай арыаллааһын методическай киинин дириэктэрин солбуйааччы Татьяна Алешина брифинҥэ эппитин курдук, сүрүн болҕомто оҕо психологическай туругун куруук кэтээн көрүүгэ ууруллар. Бу сорудаҕы иитээччилэр, кылаас салайааччылара уонна бөлөх куратордара толороллор. Стресс эбэтэр атын оччото суох турук бэлиэлэрэ көһүннэхтэринэ, психолог-педагогтары кытта үлэ тэриллэр. Оҕолорго да, кинилэр дьиэ кэргэттэригэр да психологическай өйөбүл оҥоһуллар.
«Саҥа алгоритм үлэҕэ киириитэ олоххо уустук балаһыанньаҕа түбэспит оҕолорго табыгастаах усулуобуйаны тэрийэргэ уонна сайдыыларын хааччыйарга көмөлөһүөҕэ», — диэн Татьяна Алешина тоһоҕолоото.
Санатан эттэххэ, өрөспүүбүлүкэ баһылыга Айсен Николаев Ил Түмэҥҥэ туһаайан этэригэр байыаннай дьайыы кыттыылаахтарын уонна кинилэр дьиэ кэргэттэрин өйөөһүн былаас уорганнарын үлэлэрин сүрүн хайысхаларыттан биирдэстэринэн буоларын бэлиэтээбитэ.
“Миэрэлэри барытын олоххо киллэрии мин хонтуруолбар баар — биир да буойун, биир да дьиэ кэргэн былаас болҕомтотуттан тахсыа суохтаах. Өлбүт байыаннай сулууспалаахтар дьиэ кэргэттэригэр ураты болҕомто, көрүү-истии ууруллуохтаах. Бу бары салайааччылар быһаччы эппиэтинэстэрэ уонна биһиги киһилии эбээһинэспит”, — диэтэ кини.
“Төбөкүй”, “чөмчөкө”, “мэйии тас сарыыта”, “тымырдаах хааҕы”... Хас биирдии киһи уорганын сахалыы өйдөбүллэрэ маннык хабааннаах…
“Амма Кэскилэ” улуустааҕы оҕо холбоһугун тэрилтэтин нөҥүө О.П.Иванова-Сидоркевич аатынан Амматааҕы айар сайдыы киин педагогтара 2024…
Бырабыыталыстыба бэрэссэдээтэлин бастакы солбуйааччы Дьулустаан Борисов бэрэссэдээтэллээх бырайыактыыр офис мунньаҕар инвестиционнай килиимэт туругун үөскэтиигэ саҥа…
Аҕа дойду көмүскэлигэр, байыаннай дьайыыга хорсун боотурдуу охтубут СӨ үөрэҕириитин туйгуна, СӨ физическэй култууратын уонна…
Сунтаар ааттаах тустууктарынан биллэр. Бу успуорт кɵрүҥэр ыччаты күүскэ дьарыктыыллар. Кэнники кэмҥэ оҕо успуордун ɵрɵ…
Саха драматическай тыйаатырын артыыстара Өлүөхүмэ улууһун Ааннааҕын диэки кэлбэтэхтэрэ үйэ аҥаара буолан эрэр. Урут суол …