Байыаннай дьайыы кыттыылаахтарын сорох идэҕэ босхо үөрэтии бырайыага

Бырабыыталыстыба бэрэссэдээтэлин бастакы солбуйааччы Кирилл Бычков Навахту.рф бырайыак көмөтүнэн “Колмар” чох хостуур хампаанньаҕа үлэлии бараары сылдьар дьону кытта көрүстэ.

Баахтаҕа саҥа бараары сылдьааччылар кэккэлэригэр байыаннай дьайыы 10  кыттыылаахтара киирдилэр.

Кинилэр соторутааҕыта сир анныгар үлэлиир хайа оробуочайын  идэтигэр үөрэммиттэрин бигэргэтэр аттестат ылбыттара.

Навахту.рф бырайыак байыаннай  кыттыылаахтарыгар анаан босхо горнотехническай идэлэргэ үөрэтиини саҕалаабыта. Байыаннай дьайыыттан  кэлбит байыастар бу бырайыак нөҥүө саҥа идэ баһылаан өрөспүүбүлүкэ  бырамыысыланнас 42  хампаанньатыгар үлэ булуохтарын сөп. Үөрэҕи ааһан үлэҕэ барбыт бастакы курсаннар “Эльгауголь” тэрилтэҕэ номнуо биир баахтаны түмүктээн сынньана кэлбиттэрэ биллэр.