Хаартыска: sakha.gov.ru
Төрөппүттэри өйүүр дьаһаллар тустарынан үлэ уонна социальнай сайдыы миниистирин солбуйааччы Альбина Трубина кэпсээтэ.
“Ил Дархан ыйааҕынан байыаннай дьайыы кыттыылаахтарын төрөппүттэригэр, эпэкииннэригэр санаторнай-курортнай эмтэниини ыытабыт. Бүгүҥҥү күн туругунан 632 төрөппүт уонна эпэкиин уопсайа 36 мөл. солк. өйөбүлүнэн туһанна”, — диэн бэлиэтээтэ Альбина Трубина.
Төлөбүр кээмэйэ 60 тыһ. солк. диэри суумалаах. Ону кытта 80%-ны абаансанан биэриэхтэрин сөп, ол аата 48 тыһ. солк. диэри сууманы, салгыы путевка сыанатын араастаһыытын эбии төлүүллэр, ол гынан баран олохтоммут сууматтан улаатыннарбаттар. Эмтэнии 14 хонук барар. Бу көмөнөн 3 сылга биирдэ туһаныахха сөп.
Санаторнай-курортнай эмтэниигэ төлөбүрү ыларга байыаннай дьайыы кыттыылаахтарын төрөппүттэрэ “Госуслугалар” эбэтэр МФЦ нөҥүө сайабылыанньа суруйаллар. Үгүстэр Москваҕа баар “Бэс Чагда” эбэтэр өрөспүүбүлүкэ иһигэр баар санаторнай-курортнай тэрилтэлэр өҥөлөрүнэн туһаналлар.
Альбина Трубина эппитинэн, “Бэс Чагдаҕа” сыл саҕаланыаҕыттан төгүрүк суукканы быһа байыаннай дьайыы кыттыылаахтарыгар уонна кинилэр кэргэттэригэр босхо мэдисиинискэй реабилитацияны оҥороллор. Эмтэнии 20 күннээх. Санаторийга мэдисиинискэй реабилитацияны барарга байыаннай сулууспалаах уонна кини кэргэнэ олорор сирдэригэр баар эмтиир тэрилтэттэн, ону кытта “Аҕа дойду көмүскээччилэрэ” госпуонда филиалыттан, “Бэс Чагда” Москватааҕы эбэтэр Дьокуускайдааҕы бэрэстэбиитэлистибэтиттэн направление ылаллар, диэн иһитиннэрэр Ил Дархан, бырабыыталыстыба пресс-сулууспата.
Саха тыйаатырын артыыһа Василий Борисов уһуллубут "Красный шелк" киинэ Арассыыйа бары киинэ тыйаатырдарыгар көстөн саҕалаата.…
Бүгүн, бэс ыйын 5 күнүгэр, Саха сирин сорох улуустарыгар кыралаан ардыыра, инчэҕэй хаар түһэрэ күүтүллэр…
Бу күннэргэ Үөһээ Бүлүү улууһугар «Көмүскэл» доруобуйаларыгар хааччахтаах оҕолоох төрөппүттэр түмсүүлэрэ оҕолоругар анаан кэнсиэр оҥордулар.…
Биир кэлим эксээмэҥҥэ быйыл бастакынан 100 баалы ылбыт оҕолор ааттара билиннэ. Кинилэр кимнээҕий? Химия биридимиэтигэр…
Өрүскэ айан саҕаламмытынан сибээстээн, кыра кээмэйдээх суудуналары өрүстэргэ, күөллэргэ ыытыы кэмигэр инникитин дьон-сэргэ тус олоҕор…
Госөҥөлөргө наадалаах ИТ- үөрүйэхтэргэ босхо тестированиены барар уонна РФ Цифровой сайдыыга министиэристибэтин официальнай сэртипикээтин ылар…