Байыаннай дьайыы кыттыылаахтарын уонна дьиэ кэргэттэрин үлэнэн хааччыйыы салҕанар

Саха сирин Нэһилиэнньэ дьарыктаах буолуутун сулууспатын уоргана анал байыаннай дьайыы кыттыылаахтарын уонна дьиэ кэргэттэрин чилиэннэрин үлэнэн хааччыйыы тэрээһиннэрин салҕыыр.

«Анал байыаннай дьайыы кыттыылаахтарын куобуталаах миэстэлэргэ үлэҕэ киллэриигэ үлэ ыытыллар. Ол курдук, быйылгы сылга анал байыаннай дьайыы кыттыылаахтарын үлэҕэ киллэриигэ кубуотаны тэрийии, ону тэҥэ кинилэр дьиэ кэргэттэрин чилиэннэригэр 448 тэрилтэҕэ 802 үлэ миэстэтэ тахсыбыта. Билигин 261 тэрилтэҕэ 446 киһи эбэтэр кубуотунана 55,6 %-на хааччылынна», — диэн иһитиннэрдэ Саха сирин дьарыктаах буолуу судаарыстыбаннай кэмитиэтин бэрэссэдээтэлин солбуйааччы Георгий Борисов.

Саха сиригэр юридическай сирэйдэргэ, кэммиэрчэскэйэ суох урабаанньыттары киллэрэн туран, судаарыстыбаннай өйөбүл дьаһалларын олоххо киллэриигэ үлэ салҕанар. Үлэ биэрээччилэргэ хамнас төлөбүрүгэр толуйуу көрүллэр. Судаарыстыбаннай бүддьүөттэн бу сыалга үлэ төлөбүрүн алын кээмэйин 3 төгүллээх кээмэйдээх төлөбүр көрүллэр.

Дьарыктаах буолуу сулууспата байыастарга уонна кинилэр дьиэ кэргэттэрин үлэлэнэн хааччыйыыга аадырыстаах көмөнү оҥорор. Тэрилтэ вакансия дьаарбаҥкатын, консультациялары тэрийэр, ону тэҥэ Дьиэ кэргэн уонна ыччат социальнай-психологическай өйөбүлүн киинин үлэһиттэрэ психологическай көмөнү оҥороллор. Бары тэрээһиннэргэ 299 киһи, ол иһигэр 99 байыастар, 200-чэ дьиэ кэргэн чилиэттэрэ кытыннылар. Дьаһаллар түмүктэринэн 49 киһи үлэ булунна, психологическай өйөбүлү оҥорооччулартан 47 киһи көмө туһанна.