Байыаннай дьайыы кыттыылаахтарын уонна кинилэр дьиэ кэргэттэрин урбаан кистэлэҥнэригэр үөрэтэллэр

 «Мой бизнеч» киин байыаннай дьайыы кыттыылаахтарыгар, бойобуой дьайыылар бэтэрээннэригэр, ону таһынан кинилэр дьиэ кэргэттэригэр аналлаах үөрэтэр бырагыраамалары олоххо киллэрэр. Бу туһунан Урбаан, эргиэн уонна туризм миниистирэ Георгий Андреев «Былаастыын кэпсэтии» биэрии быһа эпииригэр кэпсээтэ.

«СВОе дело|14» бырагыраама байыаннай дьайыыттан уурайбыт кыттыылаахтары, бойобуой дьайыылар бэтэрээннэрин, ону тэҥэ кинилэр дьиэ кэргэттэрин, ол иһигэр кэргэттэрин уонна 14 саастарын ааспыт оҕолорун өйүүргэ аналлаах. «Саха сиригэр бу бырагырааманан үөрэх бастакытын быйыл ыытылынна. Өрөспүүбүлүкэ араас улуустарыттан уонна Дьокуускай куораттан 20-тэн тахса анал байыаннай дьайыы кыттыылаахтара уонна кинилэр дьиэ кэргэттэрэ бырайыакка кыттан, биэс күн устата бисинэскэ үөрэннилэр. Ону таһынан, хас биирдии кыттааччыга маастар-кылаастар уонна ситиһиилээх урбаанньыттары кытта көрсүһүүлэр тэрилиннилэр», — диэн миниистир эттэ.

Кыайыылааҕынан Дьокуускайтан сылдьар Айал Мохначевскай «Оскуола оҕолоругар репетитор өҥөтүн оҥорор бииисинэс тэриллиитэ» диэн бырайыагынан буолла. Кини бэйэтин биисинэһин сайыннарарыгар 200 тыһыынча солкуобай суумалаах граны ылла.

Оттон Дьокуускайтан сылдьар Екатерина Переваловаҕа «„Эковея Якутия“ эко-салфеткалары оҥорон таһаарыы уонна атыылааһын» бырайыагын иһин 100 тыһыынча солкуобай суумалаах грант бэрилиннэ.

Санттахха, бастыҥ бырайыак бэйэтин бииисинэһин сайыннарарыгар 200 тыһыынча солкуобай кээмэйдээх граны ылыаҕа. Саайаапкалар алтынньы 2 күнүттэн 29 күнүгэр диэри  тутуллаллар. Үөрэх сэтинньи 10 күнүттэн 14 күнүгэр диэри Дьокуускайга буолуоҕа.