Хаартыска: ЯСИА
Саха сиригэр байыаннай дьайыы кыттыылаахтарын үлэ миэстэтинэн хааччыйыыга анал баазаны оҥоруохтара.
Ол курдук 3000 кырата суох ахсааннаах киһини үлэнэн хааччыйыыга сорук турар. Маннык соругу Нэһилиэнньэ дьарыктаах буолуутун сулууспатыгар Ил Дархан Айсен Николаев туруорбута. Бу туһунан брифинг кэмигэр кулун тутар 11 күнүгэр нэһилиэнньэ дьарыктаах буолуутун киинин дириэктэрин солбуйааччы Игорь Соловьев иһитиннэрдэ.
«Нэһилиэнньэ дьарыктаах буолуутун өрөспүүбүлүкэтээҕи сулууспата байыаннай дьайыы кыттыылаахтарыгар уонна кинилэр дьиэ кэргэттэригэр көмөнү оҥоруу үлэтин салҕыыр. Үлэнэн хааччыллыыга өйөбүлү кэлбит киһи барыта ылар», — диэн бэлиэтээтэ кини.
Кини иһитиннэрбитинэн, бу сыл тохсунньу ыйыттан Нэһилиэнньэ дьарыктаах буолуутун киинигэр байыаннай дьайыы 64 кыттыылааҕа уонна 55 кинилэр аймахтара сылдьыбыттар. Бойобуой дьайыы 10 бэтэрээнэ уонна байыастар аймахтарыттан 8 киһи номнуо үлэ булбуттар. Ол курдук экэнэмиис, атыы-эргиэн эйгэтигэр менеджерин, эбии үөрэхтээһин педагогун, машинист, баһаарынай, оптуобус суоппарын үлэтин булбуттар. Бу хайысхаҕа улахан үлэни өрөспүүбүлүкэ каадыры бэлэмниир кииннэрэ ыыталлар. Сүбэ-ама биэрэллэр, ханна үлэ миэстэлэрэ баарын ыйаллар.
Бэлиэтээн эттэххэ, Ил Дархан Айсен Николаев Ил Түмэҥҥэ Туһаайан этиитигэр байыаннай дьайыы кыттыылаахтара эйэлээх олоххо эргиллэллэригэр көмө, тирэх буолуу сүрүн сорук буоларын бэлиэтээбитэ.
Арассыыйаҕа сылын ахсын ыытыллар «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС…
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…
Саха сирин киин улуустарын олохтоохторо чаҕылхай күннээх «дьахтар сайыныгар» астына сырыттахтарына, өрөспүүбүлүкэ сорох улуустарыгар маҥнайгы…
Өймөкөөн нэһилиэгэр айылҕа иэдээнигэр түбэспит олорор дьиэлэри чөлүгэр түһэриигэ Саха сирин үгүс улуустарыттан, Дьокуускайтан, араас…
Балаҕан ыйын 15 күнүгэр киэһэ хойут Ленскэйдээҕи быыһыыр-көрдүүр этэрээт быыһааччылара ойуурга муммут киһини буллулар. Киин…
Бүгүн, балаҕан ыйын 16 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…