Байыаннай дьайыы миэдиктэригэр аналлаах быыстапка аһылынна
16.06.2023, 17:00
Хаарытска: үлэ, социальнай сайдыы министиэристибэтин пресс-сулууспата.
Бөлөххө киир:
Бэс ыйын 16 күнүгэр Национальнай бибилэтиэкэҕэ «ЖИВИ» диэн быыстапка үөрүүлээх аһыллыыта буолла. Быыстапка анал байыаннай дьайыыга баран, ытык иэстэрин толорбут миэдиктэргэ анаммыт. Кыайыы күнүн көрсө бибилэтиэкэҕэ «время выбрало нас» быыстапка аһыллыбыт, оттон бу «ЖИВИ» быыстапка ол салгыыта курдук буолла. Экспозицияны аҕа дойдуну көмүскүүр буойуннар дьиэ кэргэттэрин кэмитиэтин эрэгийиэннээҕи салаата көҕүлээтэ.
Биһиги миэдиктэрбит инники кирбиигэ баран үлэлээбиттэрэ. Ону тэҥэ волонтердар хас да куоратынан тэрээһиннээхтик үлэлииллэр. Быыстапкаҕа бу барыта көстөр. Бойобуой дьайыылартан аҕалбыт маллара, аптечкалар, сэрии сэбэ, эпэрээссийэ түмүгүнэн ылыллыбыт оскуолактар, буулдьалар, бойобуой таҥас -сап, наҕараадалар, о.д.а. бааллар. Бу маллары байыастар, Ярославскай аатынан мусуой, «Саха сирэ эйигин кытта!» уопсастыбаннай хамсааһын ыстааба биэрбиттэр.
Быыстапка аһыллыытыгар үлэ, социальнай сайдыы миниистирин солбуйааччы Афанасий Постников кытынна.
— Биһиги билигин Кыайыы чугаһыырыгар, уолаттарбыт бары тыыннаах, доруобай кэлэлэригэр баҕарабыт. Анал байыаннай дьайыыга сылдьар байыастары кытта куруук көрсөбүт, кинилэргэ уонна дьиэ кэргэттэригэр көмө оҥоробут. Реабилитациялыыр кииннэрбит бу дьыалҕа үчүгэйдик үлэлииллэр, — диэн кини эттэ.
Афанасий Постников байыаннай дьайыы кыттыылааҕын ийэтигэр Лена Егороваҕа социальнай көмүскэл эйгэтигэр өр сыллаах үтүө суобастаах үлэтин иһин Махтал суругу туттарда.
Бу тэрээһиҥҥэ байыаннай дьайыыга баран ытык иэстэрин толорбут миэдиктэргэ судаарыстыбаннай наҕараадалары туттардылар. Бааһырбыт байыастар реабилитолог быраастарга, психиатрдарга уорнна психологтарга махтаннылар.
Үлэ, социальнай сайдыы министиэристибэтин пресс-сулууспата.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: