Байыаннай дьайыы сиригэр бырааһынньыктааҕы ас-үөл нобуорун илдьиэхтэрэ

Бу нэдиэлэҕэ Саха сириттэн  байыаннай дьайыы  ыытыллар сиригэр   Аҕа дойдуну көмүскээччи күнүгэр аналлаах бырааһынньыктааҕы ас-үөл  нобуордарын тиэммит  үс массыынаны анаан-минээн ыытыы былааннанар. Бу туһунан Гражданскай оборуона уонна нэһилиэнньэ олоҕор куттал суох буолуутун  миниистирэ Дмитрий Лепчиков иһитиннэрдэ.

Гуманитарнай көмө иһигэр өссө аадырыстаах  баһыылкалар уонна да атын таһаҕас баар. «Патриотическай»  ТОР  федеральнай бырагырааматын иитинэн салгыы  «Якт-Сокол» квадроциклларынан хааччыйыы, ону таһынан «Тимир Ат»  электроматасыыкыллары уонна  «Хотой» FPV-дроннары оҥорон таһаарыы, таҥыы үлэтэ ыытыллар», –  диэтэ миниистир.

СӨ суһал ыстааба  байыаннай эпэрээссийэ кыттыылаахтарын бары наадалаах тэрилинэн, техниканан хааччыйыыга тиһиктээх үлэни салгыыр. Байыаннай дьайыы сиригэр сылдьан чопчу туох наадатын быһаарсыбыппыт диэн Лепчиков эбэн эттэ.

Сиһилии  https://www.sakha.gov.ru/news/19805