«Алдан»: Байыаннай дьайыы туһунан киинэ уһуллулар

Москваҕа «Арассыыйа» Национальнай кииҥҥэ «Алдан» диэн киинэ премьератын иннинээҕи көрдөрүүгэ Ил Дархан Айсен Николаев санаатын үллэһиннэ:

— «Алдан» — байыаннай дьайыы туһунан бастакы уус-уран киинэ буолар. Бүгүҥҥү күҥҥэ биһиги маннык киинэлэри устуохтаахпыт. Саха дьонун килбиэн, хорсун быһыылара, бойобуой бырааттыы сыһыаннара, бэйэни харыстаммакка киирсиилэрэ саха норуота хас да үйэ устата илдьэ кэлбит үтүө үгэстэрэ буолар. Бүгүн Саха сирин байыастара хорсуннук  дойдубутун көмүскүү сылдьаллар. Саха байыастара уонна волонтердара биһиги уопсай Кыайыыбытын чугаһаталлар. Кинилэр дьиҥнээх дьоруойдар. Бу туһунан биһиги киинэ оҥорооччуларбыт «Алдан» диэн киинэни уһуллулар. Киинэ премьерата кыһын буолуоҕа.