Байыаннай дьайыы тыһыынчаттан тахса кыттыылааҕа доруобуйатын бөҕөргөттө

Ю.П. Степанов аатынан Инбэлииттэри биир кэлим реабилитациялааһын  өрөспүүбүлүкэтээҕи социальнай-чэбдигирдэр киинигэр  байыаннай дьайыы кыттыылаахтарын уонна кинилэр дьиэ кэргэттэрин биир кэлим реабилитациялааһын салҕанар.

“Биһиги Кииммитигэр байыаннай дьайыы 534 кыттыылааҕа уонна байыаннай сулууспалаахтар дьиэ кэргэттэрин 531 чилиэнэ  биир кэлим реабилитацияны ааста”, — диэн Киин дириэктэрэ Асида Алексеева сэтинньи 20 күнүгэр брифиҥҥэ иһитиннэрдэ.

Кини бэлиэтээн эппитинэн, Киин “Самородок” бассейны кытары бииргэ үлэлэһэр, манна байыаннай дьайыы кыттыылаахтарыгар гидрокинезотерапияҕа дьарыктары ыыталлар.

Кииҥҥэ социальнай өйөбүл, үлэҕэ ылыы уонна идэҕэ үөрэтии дьаһалларын боппуруостарыгар араас биэдэмэстибэлэри уонна тэрилтэлэри кытары 90-тан тахса араас көрсүһүү буолла. Ону таһынан биир кэлим реабилитацияны ааһар байыаннай дьайыы кыттыылаахтарыгар көмө туһунан боппуруостарга Киин  Донбаска көмө уонна өйөбүл Хотугулуу-Илиҥҥи пуондатын кытары хардарыта барыстаахтык үлэлиир.

Кииҥҥэ улахан болҕомто социальнай-уйулҕа уонна социальнай-мэдиссиинэ боппуруостарыгар ууруллар.

СӨ Ил Дарханын уонна бырабыыталыстыбатын пресс-сулууспата