Саргын Скрябин хаартыската.
Бүгүн, кулун тутар 21 күнүгэр, «МУУС УСТАР» ыччат бэстибээлин чэрчитинэн Үлэ кыбаарталыгар “Этэбит. Көрөбүт. Ааҕабыт. Толкуйдуубут” пленарнай мунньах буолла.
Кэпсэтиигэ былаас бэрэстэбиитэллэрэ, “Культурнай десант 45/25” бырайыак ааптардара, документалистар, суруйааччылар кыттыыны ыллылар. Дьүүллэһии сүрүн тиэмэтинэн Аҕа дойду Улуу сэриитигэр Кыайыыга, байыаннай дьайыы сыалларын ситиһэргэ искусство уонна култуура оруолларын ырытыһыыы буолла, диэн иһитиннэрэр СӨ Ил Дарханын, бырабыыталыстыбатын пресс-сулууспата.
СӨ бырабыыталыстыбатын бэрэссэдээтэлин солбуйааччы Ольга Балабкина бэлиэтээбитинэн, пленарнай мунньах сүрүн түмүгүн биллиилээх фантаст-суруйааччы Сергей Лукьяненко иһитиннэрбит. Ольга Балабкина этэринэн, кини этиллибит санаалары барытын түмэн, култуура аныгы оруолун чуолкайдык быһаарбыт.
Быйыл “Культурнай десант 45/25” бырайыак “МУУС УСТАР” бэстибээл састаабыгар киирдэ. Арассыыйа Уопсастыбаннай палаататын култуураҕа уонна духуобунай нэһилиэстибэни харыстааһыҥҥа хамыыһыйатын бэрэссэдээтэлин солбуйааччыта, бырайыак ааптара, КА22 кэнсиэртиир агентствоны төрүттээччитэ Петр Лундстрем көтөҕүллүбүт боппуруостар туох суолталаахтарын туһунан кэпсээтэ.
Документалист-режиссер, фронтовой киинэ-эпэрээтэр Максим Фадеев дойдуга буола турар бырассыастары өйдөтүү суолтатын туһунан эттэ.
Фантаст-суруйааччы Сергей Лукьяненко буола турар быһыыга-майгыга толкуйдаах сыһыан хайаан да наадатын эттэ.
“Биһиги сомоҕолоһорбут наада, хас биирдии гражданин туох буола турарын өйдүүрэ улахан суолталаах. Итэҕэл эрэ буолбатах, улаҕалаан өйдөөһүн — туох, тоҕо, хайдах, туох туһугар охсуһарбытын, туох туһугар сиэртибэлиирбитин. Култуура чуо итини ситиһиэхтээх – бастакы уочарат. Маннык бырайыактар ордук суолталаахтар. Хоһоонньуттар, суруйааччылар, киинэ устар дьон кэпсэтэллэрэ, санааларын атастаһаллар — бу, мин санаабар, олус сөп. Билигин бырайыак саҕаланна эрэ, кини дойду үрдүнэн хайаан да салгыы барыан наада”, — диэн бэлиэтээтэ Лукьяненко.
Бүгүн, от ыйын 14 күнүгэр, Саха сирин сорох улуустарыгар +35 кыраадыс буолара күүтүллэр диэн УГМС…
Арина кыра оҕо ытыырыттан уһугунна. Арай өндөс гынан көрбүтэ, үстээх уола, алталаах кыыһа муостаҕа тохтубут…
Сай ортото буолла. Үгүс киһи уоппуска ылан ким оттуу, отоннуу, ким муораҕа сөтүөлүү тарҕаһар кэмэ…
2024 сыл тохсунньутугар Сунтаар улууһун Элгээйи сэлиэнньэтигэр быраас амбулаторията үөрүүлээх быһыыга-майгыга үлэҕэ киллэриллэн, 1,5 тыһыынчаттан…
Улуу Кыайыы 80 сылынан уоттаах сэрии толоонугар, ыраах тыылга да бэйэлэрин олохторун кэрэйбэккэ сэриилэһэн, охтон…
Кэлиҥҥи сылларга өрөспүүбүлүкэ оскуолаларыгар урбаан кииннэрэ тэриллэн, оскуола оҕолоро сувенир оҥоруутуттан саҕалаан, түргэнник ситэр салааны…