Хаартыска: социальнай ситимнэртэн
Бүгүн Мэдиссиинэ үлэһиттэрин күнэ. Үрүҥ халааттаах аанньаллар үгүс киһи олоҕун, сырдык тыынын иһин охсуһаллар, туруулаһаллар.
Медик үлэтэ олум уустук уонна эппиэтинэстээх, дириҥ билиини-көрүүнү, уопуту, сатабылы эрэйэр. Биһиги медиктэрбит анал байыаннай дьайыыга бааһырбыт байыастары быыһыырга, кыргыһыы хонуутугар охтубут уолаттары булан таһаарыыга эмиэ кытталлар.
Бу күннэргэ Москваҕа Плетнев килииникэтигэр Таманскай мотострелковай дивизия 2-с гвардейскай 370 туспа мэдиссиинэ батальонун санитар инструкторыгар Дайаана Степановаҕа хорсунун уонна дьон олоҕун быыһаабытын иһин «За содействие специальной военной операции» мэтээлинэн наҕараадалаатылар.
Хорсун кыыһы «Боевое братство без границ» аан дойдуттааҕы пуонда бэрэссэдээтэлэ, генерал Виктор Михайлович Сивохин эҕэрдэлээтэ. Дайаана бу саас анал байыаннай дьайыыга кыргыһыы хонуутуттан байыастары быыһыы сылдьан, өстөөх сойуолааһыныгар түбэһэн, ыарахан бааһырыыны ылбыта. Хас да эпэрээссийэни ааһан, билигин даҕаны күүстээх эмтэниини ааһар. Бу олоҕун да кэрэйбэккэ, саа-саадах тутан тиһэҕэр диэри өстөөҕү кытары ытыаласпыт, кыргыһыы хонуутуттан нарын санныгар элбэх байыаһы сүгэн таһаарбыт хорсун кыыс.
Эдэркээн кыысчаан төгүрүк тулаайах хаалан, билиҥҥитэ ыйдааҕы хамнаһын, эригийиэннээҕи да, федеральнай да төлөбүрү ылбакка сылдьар. Бу килииникэҕэ сөптөөх эмтэниини ылбат буолан, чугастааҕы кэмҥэ байыаннай госпиталга көһөрөргө туруорсуу барар. Бу күннэргэ киниэхэ көмө биллэрии волонтердар, анал байыаннай дьайыы кыттыылаахтарын бөлөҕүнэн тарҕанна. Бүгүн Дайаана сибээскэ тахсан көмө ыыппыт дьоҥҥо махталын тиэртэ.
Дайаана: «Бэҕэһээ хас да переводу туттум. Байыастар бөлөхтөрүгэр киллэрдилэр. Олус үөрдүм», — диэн үөрүүтүн үллэһиннэ.
Видео «Саха» НКИХ Москватааҕы филиалын устуута
Бэс ыйын 15 күнүгэр Мэҥэ Хаҥалас Хорообут нэһилиэгэр улуустааҕы Олоҥхо ыһыаҕа икки күн устата буолла.…
Сайылыкпар, даачаҕа көһөн, күөх суугун абылаҥнаах нуһараҥар, алыптаах чуумпуга бигэнэн, ыраас салгыҥҥа куустаран дууһалыын, эттиин-хаанныын …
Бу күннэргэ илин эҥэр улуустарын нэһилиэктэригэр Олоҥхоҕо анаммыт ыһыахтар буола тураллар. Чурапчы улууһун Хатылы нэһилиэгиттэн…
Уһун тохтобул кэнниттэн Арассыыйа сүүмэрдэммит хамаандата кикбоксиҥҥа Европа чөмпүйэнээтигэр кыттыаҕа. Саха сирин спортсменнара сэттэ сыллаах…
Ааҕааччы ыйытар: — Эмтэниигэ уонна эми-тому атыылаһыыга нолуоктан төннөрүүнү (вычет) бэйэҕэр, ойоххор (эргэр), төрөппүттэргэ, саастарын ситэ…
Саха сирин кэккэ оройуоннарыгар бэс ыйын 16-17 күннэригэр хаһыҥ түһэрэ күүтүллэр. Бу туһунан Саха сиринээҕи…