Хаартыска: www.sakha.gov.ru
2025 сыл саҕаланыаҕыттан Саха сириттэн байыаннай дьайыы зонатыгар 113 тиэхиньикэ тиэрдилиннэ: 83 массыына, 22 матасыыкыл, 7 квадроцикл уонна 1 бырысыап. Бу туһунан суһал ыстаап брифинигэр «Вместе к Победе» өрөспүүбүлүкэтээҕи ыстаап хамыыһыйатын координационнай киинин салайааччыта Георгий Куркутов иһитиннэрдэ.
Кини бэлиэтээбитинэн, уопсайа улахан таһаҕас тиэйэр тырааныспарынан 33 сырыы оҥоһулунна, ол түмүгэр волонтердартан, муниципальнай тэриллиилэртэн, тэрилтэлэртэн уонна өрөспүүбүлүкэ амарах санаалаах дьонуттан 120-тан тахса туонна гуманитарнай көмө уонна аадырыстаах баһыылка тиэйилиннэ.
Георгий Куркутов Донецкай Норуодунай Өрөспүүбүлүкэтигэр уонна Белгород уобалаһыгар оробуочай сырыытыгар сылдьан, тирэх пууннар үлэлэрин бэрэбиэркэлээтэ.
«Сырыы кэмигэр докумуоннар ревизияланнылар, гуманитарнай миссия чэрчитинэн туттарыллыбыт тырааныспар сириэстибэлэрин уонна инвентарь тэхиниичэскэйй туруга көрүлүннэ. Тиэрдиллибит тиэхиньикэ барыта ирдэбилгэ эппиэттиир уонна байыаннай бэлэмҥэ турар», — диэн Георгий Куркутов кэпсээтэ. Ону таһынан, Ростов-на-Дону куоракка үлэлиир саха волонтердарын кытта үлэ көрсүһүүлэрэ буоллулар. Кинилэр истэригэр — Мииринэй уонна Аллараа Халыма улуустарын бэрэстэбиитэллэрэ, ону тэҥэ «Саха сирин доброволецтара» уопсастыбаннай тэрилтэ бааллар. Командировка туспа тэрээһининэн Илиҥҥи байыаннай уокурук хамаандатын кытта алтыһыы буолла. Хааччыйыы кыһалҕалаах боппуруостара, байыаннай сулууспалаахтар олорор усулуобуйалара, ону таһынан бииргэ ыытыллар тэрээһиннэри тэрийии дьүүллэһилиннэ. Сүрүн тиэмэлэр истэригэр — бу сыл сэтинньитигэр Дьокуускайга Фашизмы утары пуоруму ыытыыга бэлэмнэнии. Пуорум чэрчитинэн быыстапкаҕа туруорарга, НАТО уонна Украина Сэбилэниилээх күүстэрин сэриилэриттэн былдьаммыт трофейнай байыаннай тиэхиньикэни уонна сэби-сэбиргэли биэрэргэ сөбүлэһии ситиһилиннэ.
“Саха сирэ – Дьоруойдар дойдулара" каадыр бырагырааматын кыттыылааҕа уонна СӨ Уу хаһаайыстыбатын уонна халаан содулларын…
Атырдьах ыйын 1-2 күннэригэр Амма улууһун киинигэр “Төрүт түөлбэм төлкөтө” диэн уопсастыбанньыктар пуорумнара ыытыллар. Бу…
Биирдии киилэ моркуобу, помидору, луугу итиэннэ киилэ аҥара биэрэһи, 300 г петрушканы, биир оччо укуруобу…
Бу күннэргэ оройуоҥҥа доруобуйа харыстабылын министиэристибэтиттэн эмчиттэр бөлөхтөрө үлэлии сылдьар. Бу туһунан улуустааҕы"Хотугу сардаҥа" хаһыат…
Бу күннэргэ өбүгэ ньыматынан сахалыы эмтиир Виктор Кривошапкин үбүлүөйдээх 65 сааһын бэрт уратытык бэлиэтээтэ. Сахалыы…
Индигиир өрүс алдьатыылаах халаанын кэнниттэн Өймөкөөн улууһун нэһилиэктэригэр чөлүгэр түһэрии үлэтэ тэтимнээхтик бара турар. Улууска…