Байыаннай дьайыы зонатыгар 13 тиэхиньикэни ыытарга бэлэмнээтилэр

Саха сириттэн байыаннай дьайыы зонатыгар өссө 13 тиэхиньикэни, ону таһынан 25 туонна гуманитарнай таһаҕаһы — аадырыстаах баһыылкалары уонна волонтердар тэрилтэлэрин оҥоһуктарын ыытыахтара.

Бу туһунан бүгүн нэдиэлэтээҕи брифиҥҥэ «Кыайыыга  Бииргэ!» өрөспүүбүлүкэтээҕи суһал ыстаап хамыыһыйатын сүрүннүүр киинин салайааччыта, Донбасска көмөлөһөр уонна өйүүр Хотугулуу-Илиҥҥи пуонда салайааччыта Георгий Куркутов иһитиннэрдэ.

«Кыайыыга Бииргэ!» өрөспүүбүлүкэтээҕи хамыыһыйа суһал ыстааба байыаннай сулууспалаахтарга уонна кинилэр дьиэ кэргэттэригэр бары өттүнэн көмөнү оҥоруу үлэтин салгыыр. Бүгүҥҥү туругунан байыаннай дьайыы зонатыгар ыытарга 13 тиэхиньикэ бэлэмнэннэ. Ону таһынан, 10 тиэхиньикэни сакаасчыттар тэхиниичэскэй ирдэбиллэригэр сөп түбэһиннэрэллэр.

Ыытыллар аадырыстаах баһыылкалар, волонтердар оҥоһуктара барыта 25 туонна кэриҥэ буолар», — диэн сүрүннүүр киин салайааччыта эттэ. Кини этэринэн, Норуот сомоҕолоһуутун күнүн уонна III Фашизмы утары пуорум чэрчитинэн, Саха сирин олохтоохторо сулууспалыыр подразделениеларын хамандыырдарын солбуйааччыларын нөҥүө байыаннай сулууспалаахтарга бэлэх быһыытынан аһылык-үөл набордарын фроҥҥа тиэрдиэхтэрэ. Сотору кэминэн өрөспүүбүлүкэҕэ улуустар бөлөхтөрүнэн волонтердарга түөрт зонанан пуорумнары ыытыы былааннанар.

«Пуорумнар соруктара – волонтердар тэрилтэлэрэ ханнык көмөнөн туһаныахтарын сөбүн туһунан иһитиннэрии уонна кэпсээһин. Хас биирдии муниципальнай тэриллиигэ, нэһилиэккэ бэйэлэрин оҥоһуктарын,  таҥаһы-сабы оҥорор волонтердар көҕүлүүр бөлөхтөрө бааллар», — диэн киин салайааччыта үллэһиннэ. Сиһилии бу сигэнэн ааҕыҥ: https://www.sakha.gov.ru/news/13547