Байыаннай дьайыы зонатыгар «Боотур» этэрээт байыастарын атаардылар

Дьокуускайга  2-с БАРС-2 «Боотур» байыастарын анал байыаннай дьайыы зонатыгар атаардылар.

Айанныахтарын иннинэ кинилэр байыаннай дьайыы бэтэрээннэрин салалтатынан тактическай бэлэмнэнии кууруһун ситиһиилээхтик аастылар.

«Биһиги оҕолорбут тустарыгар улаханнык кыһанабыт уонна сыллата хас биирдиилэринэн киэн туттабыт. «Боотур» этэрээт байыастара байыаннай дьайыы хонуутугар үрдүк бэлэмнээхтэрин уонна хорсун быһыыларын көрдөрөллөр. Кинилэр бары ытык иэстэрин чиэһинэйдик толороллор, өстөөх атаакаларын ситиһиилээхтик утарсаллар. Сорох биир дойдулаахтарбыт дойду көмүскэлигэр бастакы төгүлүн буолбакка, иккистээн, үһүстээн айанныылларын бэлиэтиибин. Эһиги дойдугутугар тыыннаах уонна доруобай төннөргүтүгэр баҕарабыт», — диэн РФ сенатора Сахамин Афанасьев эттэ.

Байыастарга Ил Дархан аатыттан судаарыстыбаннай наҕараадалар уонна саха быһахтара туттарылыннылар. Волонтердар сулууспалаахтарга ас-үөл, бородуукта биэрдилэр. Байыастар аадырыстарыгар  РФ Бэрэсидьиэнин Уһук Илиҥҥэ боломуочуйалаах бэрэстэбиитэлин аппараатын СӨ кылаабынай федеральнай иниспиэктэрэ Евгений Корнеев, СӨ Ил Дарханын уонна Бырабыыталыстыбатын дьаһалтатын салайааччыта Георгий Михайлов тыл эттилэр.

Лана Александрова, ааптар хаартыскаҕа түһэриилэрэ