Дьокуускайга Хоту дойду Дьиэтигэр Саха сирин хоту уонна арктическай улуустарыттан сылдьар байыастарга көмө оҥорор ыстаап үлэлиир.
Манна биирдиилээн урбаанньыттартан, общиналартан, уруу-аймах дьонноруттан, үөлээннээхтэриттэн араас наадалаах мал киирэ турар. Төһө киирэринэн көрөн, дьон ыҥырсан кэлэн баһыылкалары оҥороллор.
Бу күннэргэ Кэбээйи улууһун Сэбээн Күөлүн олохтоохторуттан А.А. Степановтан, А.П. Пашкоттан, М.Н. Захароваттан, Л.В. Захароваттан, А.Н. Ефимоваттан, Орто Халыма улууһун Березовкатын уонна Үөһээ Халыма Уһун Күөлүнээҕи В.Г. Дьячков аатынан община дьонуттан ас-үөл, ыраастык тутта сылдьарга аналлаах тэриллэр, араас наадалаах мал кэлбитинэн баһыылкалары оҥордулар.
Сэбээн Күөлгэ дьон иллэҥсийэ түстэ да, хаххалыыр сиэккэлэри баайаллар. Бу күннэргэ байыаннай дьайыыга төттөрү бараары сылдьар байыаска баһыылка оҥорон туттардылар. Итинник ханна баҕарар “Всё для СВО, всё для Победы” диэн киһи барыта күүрэн туран үлэлииллэр, тугунан эрэ буойуттарга көмөлөһүөхтэрин баҕараллар. Дойдуларын көмүскэлигэр туруу үлэһит табаһыт уолаттарбыт бараллар, манна кинилэр олус наадалар этэ да, Ийэ дойдуларын иннигэр иэстэрин төлүүр буоллахтара. Оттон биһиги, манна хаалбыттар, тугу кыайарбытынан байыаннай дьайыыга көмөлөһөбүт, түргэнник бүтэ охсоругар баҕарабыт.
Зоя Степанова,
Сэбээн Күөл.
Алена Кривошапкина, Илана Захарова, Ирина Степанова хаартыскалара.
Үп-харчы ырыынагын исписэлиистэрэ, эспиэрдэрэ уонна аналитиктара баан сүрүн ыстаапката үрдүүрүн күүтэллэр. Бу туһунан боппуруоһу Арассыыйа баана аныгыс…
Саха сирин салалтата 2025 сылга тыа хаһаайыстыбатын өйөөһүҥҥэ үбүлээһин кээмэйин быйылгы сыллааҕы таһымнаах хаалларар санаалаахтар.…
Госдуумаҕа дьокутааттар миграннарга албын ийэ, аҕа уонна ыал буолууну утары охсуһууга туһуламмыт сокуон барылын бүтэһиктээх…
«Урбаанньыт аҕалар» үөрэх бырайыага бу сыл алтынньы 28 күнүттэн сэтинньи 22 күнүгэр диэри ыытыллыаҕа. Босхо…
Бу субуотаҕа, алтынньы 19 күнүгэр, Бастакы ханаал «Играем свадьбу» бырагырааматын таһаарыытыгар эбэҥки норуотун ыал буолуу…
Ааспыт сууккаҕа Дьокуускай куорат полициятын учаастактааҕы боломуочунайдара сокуоннай сааһын ситэ илик оҕолорго арыгыны атыылааһын биэс…