СӨ Ил Дарханын уонна Бырабыыталыстыбатын пресс-сулууспатын хаартыската
«Cаха сирэ эйигин кытары!» өрөспүүбүлүкэтээҕи хамсааһын байыаннай дьайыы бара турар сиригэр сотору дроннары суулларар биэс тэрили ыытыаҕа.
Ол туһунан бүгүн «Cаха сирэ эйигин кытары!» өрөспүүбүлүкэтээҕи хамсааһын салайааччыта Айыл Дьулурха брифиҥҥэ эттэ. Бу күннэргэ дроннары суулларар сэп-сэбиргэл Дьокуускай куоракка кэлиэ. Бэрэбиэркэлээн уонна калибровкалаан көрүү кэнниттэн, байыаннай дьайыы буола турар сиригэр ыытыахтара.
Айыл Дьулурха соторутааҕыта Ил Дархан Айсен Николаев быһа эпииргэ тахсыбытыгар, байыастар өрөспүүбүлүкэ ураты бэлиэлээх (символика) шевронун ыыталларыгар көрдөспүттэрин санатта.
Маныаха Айыл Дьулурха волонтердар иистэнэр сыахтара Саха сирин ураты бэлиэлээх шевроннарын тиксиэхтэрэ диэн эттэ.
«Биһиги уопсастыбаннай хамсааһыммыт СӨ идэлээх сойуустарын федерациятын өйөбүлүнэн быысапкалыыр тэрили ылыахтаах. Оччоҕо онно сөптөөх матырыйааллары атыылаһан, байыаннай дьайыыга кэтиллэр таҥастарга шевроннары, киэргэллэри уонна харысхаллары тигэн саҕалыа», – диэтэ Айыл Дьулурха.
Кини элбэх байыаннай сулууспалаах бу күннэргэ уоппускатыттан төннөн эрэрин, кинилэри экипировканан хааччыйалларын бэлиэтээтэ.
«Байыастарга таҥас-сап уонна эмп-томп хомуйан биэрэргэ, биһиэхэ көмөҕө эбии дьон наадалар», – диэтэ кини.
Санатар буоллахха, «Cаха сирэ эйигин кытары!» хамсааһын гуманитарнай көмөнү тутар пууна маннык аадырыска баар: Дьокуускай к., Орджоникидзе уул. 10 (киирии дьиэ ойоҕоһунан), 10:00 — 19:00 диэри күн аайы үлэлиир.
СӨ Ил Дарханын уонна Бырабыыталыстыбатын пресс-сулууспата
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…