Хаартыска: ЯСИА архыыбыттан.
Саха сиринээҕи Суһал ыстаап анал байыаннай эпэрээссийэҕэ кыттааччылары наадалаах тэриллэринэн уонна тиэхиньикэнэн хааччыйыыга систиэмэлээх үлэтин салгыыр.
Бүгүн нэдиэлэ аайы ыытыллар брифиҥҥэ Гражданскай оборуона уонна нэһилиэнньэ олоҕор куттал суох буолуутун миниистирэ Дмитрий Лепчиков анал эпэрээссийэ зонатыгар баар тирэх пуун соторутааҕыта байыастарга Саха сиригэр оҥоһуллубут өссө биир «Якт-Сокол» квадроциклы туттарбытын туһунан иһитиннэрдэ.
«Анал байыаннай дьайыы сиригэр байыастартан тиэрдиллибит тиэхиньикэ туһунан санааларын эмиэ хомуйабыт — бу биһиэхэ тиэхиньикэни тупсарыы хайысхаларын быһаарарга көмөлөһөр,» — диэн миниистир эбэн эттэ.
Дмитрий Лепчиков бэлиэтээбитинэн, урбаанньыттар, тэрилтэлэр уонна олохтоохтор гуманитарнай көмөнү хомуйууга көхтөөхтүк кытталлар.
— Бу нэдиэлэҕэ фроҥҥа 18 туонна ас-үөл бакыаттарын уонна түөрт тиэхиньикэни тиэйбит массыына ыытылынна. Ону таһынан, өссө хас да массыынанан Донбасска көмө уонна өйөбүл пуондата уопсастыбаннай хамсааһыннары уонна тэрилтэлэри кытта бииргэ хомуйбут гуманитарнай көмөлөрө байыастарга Саҥа дьыллааҕы бырааһынньыкка тиийиэхтээх, — диэтэ Дмитрий Лепчиков.
Миниистир 2025 сыл саҕаланыаҕыттан анал байыаннай дьайыыга 43 рейс ыытыллыбытын, 137 тырааныспары тиэрдибиттэрин чуолкайдаан эттэ.
Сиһилии: https://www.sakha.gov.ru/news/17373
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…
Бүгүн Дьокуускай куоракка Опера уонна балет тыйаатырын дьиэтигэр өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III…
Дьокуускай олохтооҕо дьахтар наркотигынан эргинэн 17 сылга көҥүлэ быһыллар буолла диэн СӨ борокуратуурата иһитиннэрэр. Суут…