Байыаннай дьайыыга көмө тиһиктээхтик оҥоһуллар

Байыаннай дьайыы саҕаланыаҕыттан байыаннай сулууспалаах биир дойдулаахтарбытыгар уонна кинилэр дьиэ кэргэттэригэр, ону  таһынан Арассыыйа састаабыгар саҥа киирбит эрэгийиэннэри чөлүгэр түһэриигэ үлэ тиһиктээхтик барар.

Уопсайынан өрөспүүбүлүкэ байыаннай дьайыыга материальнай өттүнэн бөҕөргөтүүгэ уонна саллааттарбытын эбии хааччыйыыга улахан көмөнү оҥорор, ол кинилэргэ бойобуой сорудахтары толороллоругар санааларын бөҕөргүтэр. Биһиги байыаннайдарбытыгар материальнай уонна гуманитарнай өйөбүл, ону тэҥэ ДНР, ЛНР уонна Украинаттан кэлэр дьону көрсүүгэ, олохтуурга сөптөөх систиэмэтэ оҥоһулунна. СӨ Гражданскай оборуонаҕа уонна нэһилиэнньэҕэ куттал суох буолуутун хааччыйыыга министиэристибэтэ отчуоттаабытынан, күн бүгүн инники күөҥҥэ сүүсчэкэ массыына, техническэй тэриллэр, сибээс тэриллэрэ уонна икки өрүттээх оборудованиелар ыытылыннылар.

Саҥа эрэгийиэннэргэ өрөспүүбүлүкэ аспыт тирэх пууннара көдьүүстээхтик үлэлии тураллар, ол нөҥүө гуманитарнай көмө эмиэ ааһар.

Маны таһынан 2024 сылга Саха Өрөспүүбүлүкэтин экэнэмиичэскэй үүнүүтүн былаанынан олоххо киирэр «Патриотическай» ТОР тэрээһинэрин чэрчитинэн «Сокол» квадроцикллары, «Хотой-10» БПЛА-ры уонна «ТИМИР АТ-2» электро-матасыыкыллары ыыппыттара.

2024 сыл биир сүрүн уларыйыытынан – балаҕан ыйыгар Ил Дархан салайааччылаах «Кыайыыга бииргэ!» өрөспүүбүлүкэтээҕи хамыыһыйаны тэрийии буолар.

Хамыыһыйа үлэтин чэрчитинэн эбии тэрилинэн уонна оборудованиенан хааччыйыы үлэтэ салҕанан барар.