Хаартыска sakha.gov.ru ылылынна
2023 сыл бэс ыйын 24 күнүгэр Байыаннай дьайыыга кыттарга тардыллар дьон холуобунай эппиэтинэстэрин уратыларын туһунан» 270-ФС нүөмэрдээх федеральнай сокуоҥ 2023 сыл бэс ыйын 24 күнүгэр күүһүгэр киирдэ.
Бу туһунан Дьокуускайга хантараагынан байыаннай сулууспаҕа сүүмэрдиир пуун начаалынньыга Станислав Шебалин иһитиннэрдэ.
Кини бу сокуон байыаннай сулууспаҕа хомуурга уонна байыаннай кэмҥэ РФ Сэбилэниилээх күүстэригэр ыҥырыллыбыт уонна хантараактаспыт дьону холуобунай эппиэтинэстэн босхолооһун быраап өттүнэн мэктиэлэрин уонна төрүөтүн бигэргэтэрин бэлиэтээтэ.
«Бу быраабыланан хайыы үйэ хомуурга хабыллан байыаннай сулууспаны ааһар эбэтэр байыаннай кэмҥэ сулууспалыыр уонна буруйу оҥорбут дьон туһаныахтарын сөп. Ону тэҥэ сокуон сууттамматах дьоҥҥо эмиэ туһаныллар, кэккэ буруйдары оҥорбут дьонтон уратыларга: саастарын ситэ иликтэргэ суудайбыт, уопсастыбаннай куттал суох буолуутугар, судаарыстыбаннай уонна байыаннай сорох буруйдарга»,- диэтэ Станислав Шебалин.
Чуолаан, маннык мэктиэлээһиннэринэн туһаналлар:
— сокуон күүһүгэр киириэр диэри улахана суох уонна орто ыарахан буруйу оҥорбут, кинилэргэ барыллаан силиэстийэ ыытыллар (терроризмтан уонна экстримизмтан уратыларга);
— хомуур, байыаннай балаһыанньа кэмигэр байыаннай сулууспаны ааһар уонна буруйу оҥорбут дьон;
— сууттаммыттар, ол иһигэр олоро сылдьыбыттар эбэтэр болдьоҕун иннинэ босхоломмуттар, педофилияттан, күүһүлээбит, терроризмтан, ядернай матырыйааллары сокуоннайа суох туһаммыт, дойдутун таҥнарбыттан, үспүйүөннээһинтэн уратыларга уонна атын ыарахан буруйдартан уратыларга.
Эппиэтинэстэн босхолооһун уонна сууттаммытын толуйуу госнаҕарааданы ыллаҕына биитэр сулууспаттан ирдэниллэр сааһа туолбутунан, доруобуйатын туругунан эбэтэр быстах хомуур, байыаннай балаһыанньа түмүктэммитинэн уонна (эбэтэр) байыаннай кэм ааспытынан.
Сокуон 2022 сыл балаҕан ыйын 30 күнүгэр диэри ДНӨ, ЛНӨ, Запорожскай уонна Херсонскай уобаластарга холуобунай эккирэтиигэ түбэспит дьоҥҥо эмиэ тарҕанар.
СӨ Ил Дарханын уонна СӨ Бырабыыталыстыбатын пресс-сулууспата
Кэнники кэмҥэ күн аайы кэриэтэ баһаардар тахсар буоллулар. Киһи өлүүлээх баһаардар тахсаллара олус хомолтолоох. Онон…
2027 сылга Ньурбаҕа СӨ норуоттарын IX спортивнай оонньуулара алта нэһилиэгинэн ыытыллыахтара. Ол курдук Ньурба куоракка, …
Ол туһунан тыа хаһаайыстыбатын уонна ас-үөл бэлиитикэтин миниистирэ Артем Александров бырабыыталыстыба отчуотун кэмигэр иһитиннэрдэ. Миниистир…
Саха сирин Үлэҕэ уонна социальнай сайдыыга министиэристибэтин чэрчитинэн, 2025 сылга байыаннай дьайыы кыттыылаахтарын 889 төрөппүтэ…
Ис дьыала министиэристибэтин 4 №-дээх управлениетын полицияҕа отделын дьуһуурунай чааһыгар өттүгэр быһах баастаах киһи киирбитин…
Олунньу 12 - 14 күннэригэр СӨ бырабыыталыстыбатын бэрэссэдээтэлин солбуйааччы Анатолий Семенов салайааччылаах министиэристибэлэр, биэдэмистибэлэр бэрэстэбиитэллэрэ…