Ил Дархан “Байыаннай сулууспалаахтар дьиэ кэргэттэрин өйүүр миэрэлэр тустарынан” ыйааҕар олоҕуран, 5-11 кылаас 1902 үөрэнээччитэ итии босхо аһылыгынан хааччыллыбыт. Итини сэргэ, 1034 оҕо төрөппүтэ уһуйаан төлөбүрүттэн босхоломмут.
“Оҕо сынньалаҥын уонна доруобуйатын бөҕөргөтүүтүн тэрийиигэ 1206 сайабылыанньаҕа быһаарыыны ыллыбыт. Оҕо сынньалаҥын тэрийиигэ “Бэс Чагда” эрэгийиэннээҕи оператор баар. Сайынын уонна үөрэх дьылын устата сынньаналларыгар 350 миэстэ көрүллэр.
Итини таһынан, орто уонна үрдүк үөрэх устудьуоннарыгар анал төлөбүр оҥоһуллар. Манна 296 быһаарыыны ыллыбыт. Байыаннай эпэрээссийэ кыттыылаахтарын дьиэ кэргэттэрин тус сыаллаах үөрэттэриигэ дуогабары түһэрсиигэ 102 быһаарыы ылыныллыбыта”, — диэн үөрэх уонна билим миниистирин бастакы солбуйааччы Алевтина Аргунова иһитиннэрдэ.
Байыаннай сулууспалаахтар дьиэ кэргэттэригэр көрүллэр өйөбүл миэрэлэр тула боппуруоһунан СӨ Үөрэҕин уонна билимин министиэристибэтигэр 8 (4112) 506-989 эбэтэр суһал лииньийэҕэ «122» нүөмэрдэринэн ыйытылаһыаххытын сөп.
Байыаннай эпэрээссийэ дьиэ кэргэттэригэр оҥоһуллар өйөбүл миэрэлэри туһунарга МФЦга сайабылыанньа эрэ биэрэр эбэтэр e-yakutia.ru судаарыстыбаннай уонна муниципальнай өҥөлөр порталларыгар электроннай көрүҥүнэн ыытар ирдэнэр.
Хаартыска: СИАтан.
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…
Амма улууһугар Аҕа дойду Улуу сэриитин уотун ортотунан ааспыт көлүөнэ дьон Сулуһа суох Дьоруойунан билинэр,…
Бэҕэһээ, ыам ыйын 8 күнүгэр, Дьокуускай куоракка аан бастыкытын ыытыллыбыт "Кыайыы вальсыгар" үгүс киһи үөрэ-көтө…
Дьокуускайга "Өлбөт үйэлээх полк" Бүтүн Арассыыйатааҕы үгэскэ кубулуйбут аахсыйа буолан ааста. Быйыл манна 50 тыһыынчаттан…
Ленскэй оройуонугар муус көхтөөхтүк устарын бэлиэтииллэр. Муус хамсааһынын орто диэн сыаналаатылар, уу таһыма рейкэ кээмэйигэр…