Хаартыска: SakhaGov
Байыаннай дьайыыга кыттыбыт тулаайахтар уонна төрөппүт көрүүтэ-истиитэ суох хаалбыттар олорор дьиэнэн хааччыллар бырааптаахтар.
“Байыаннай дьайыыга кыттыбыт тулаайахтары уонна төрөппүт көрүүтэ-истиитэ суох хаалбыттары социальнай өйөөһүҥҥэ эбии мэктиэлэр тустарынан” 2025 сыл ахсынньы 14 күнүнээҕи федеральнай сокуоҥҥа уларыйыылар киллэрилиннилэр. Ол туһунан СӨ бырабыыталыстыбатын бэрэссэдээтэлин солбуйааччы Георгий Степанов тохсунньу 26 күнүгэр брифиҥҥэ иһитиннэрдэ.
Саха сиригэр байыаннай сулууспалаахтарга – байыаннай дьайыы кыттыылаахтарыгар уонна кинилэр дьиэ кэргэттэригэр аадырыстаммыт көмө салҕанар. Георгий Степанов иһитиннэрбитинэн, 288 дьиэ кэргэҥҥэ олорор дьиэтигэр гаас киллэрэригэр үбүнэн көмө оҥоһулунна, байыаннай сулууспалаахтар 860 төрөппүттэрэ санаторийга-курортка эмтэнэллэригэр көмө оҥоһулунна. 626 киһи байыаннай сулууспалаах эмтэнэр сиригэр барарыгар үбүнэн көмөлөстүлэр.
«2025 сылга байыаннай дьайыы 527 кыттыылааҕа уонна кинилэр дьиэ кэргэттэриттэн 1231 киһи доруобуйа харыстабылын уонна социальнай хааччыйыы тэрилтэлэригэр доруобуйатын чөлүгэр түһэрдэ. 36 киһи суоппардары бэлэмниир бырагырааманан үөрэҕин толуйдарда. 627 киһи социальнай өҥөнөн туһанна. Нэһилиэнньэ дьарыктаах буолуутун киинигэр кэлэн 1207 киһи, ол иһигэр байыаннай дьайыы 499 кытттыылааҕа уонна байыаннай сулууспалаахтар дьиэ кэргэттэриттэн 708 киһи үлэ ыйыталаста”, — диэн Георгий Степанов иһитиннэрдэ.
СӨ Ил Дарханын уонна бырабыыталыстыбатын пресс-сулууспата
Олунньу – тас көрүҥҥүн эрэ буолбакка, үп-харчы туруккун тупсарарга үтүө кэм. Астрология өттүнэн сөптөөх күҥҥэ…
Дьокуускайга СӨ Үлэҕэ уонна социальнай сайдыыга министиэристибэтин Өрөспүүбүлүкэтээҕи сэминээр-сүбэ мунньаҕа саҕаланна. Тэрээһиҥҥэ социальнай үлэһиттэр кыттыыны…
2026 сыл кулун тутар 1 күнүттэн Арассыыйа олохтоохторо суоппар быраабыгар тэйиччиттэн олорон үөрэнэр кыахтаннылар. Автооскуолаларга …
Хатас сэлиэнньэтигэр мас-рестлиҥҥэ «Көмүс мас» Дьокуускай куорат аһаҕас чөмпүйэнээтэ түмүктэннэ. Онно 23 хамаандаттан 160-тан тахса…
Саха сиригэр бүгүҥҥү күҥҥэ үөрэх тэрилтэлэригэр байыаннай дьайыы 70-тан тахса кыттыылааҕа, ол иһигэр педагогтар уонна…
Тохсунньу 27 күнүгэр Ленинграды блокадаттан толору босхолооһун күнэ бэлиэтэнэр. Ленинград блокадатын сиэртибэлэрин кэриэстээн, бу күн…