Байыаннай дьайыыга ордук ханнык байыаннай идэлэр наадаларын туһунан кэпсээтилэр

Билиҥҥи туругунан ордук бэргэн ытааччылар, нобуодчуктар, таһаҕас тиэйэр массыына суоппардара, мэхээник-суоппардар, сибээс уонна  араадьыйа электроникатын исписэлиистэрэ ордук наадалаахтарын туһунан байыаннай дьайыыга хантараагынан саллааттары сүүмэрдиир пууҥҥа иһитиннэрдилэр.

Ааспыт сыл ахсынньы 1 күнүгэр РФ Бэрэсидьиэнин Владимир Путин Сэбилэниилээх күүстэр ыстаатын элбэтии туһунан ыйааҕа тахсыбыта.  Ол курдук байыаннай дьайыыга хантараагынан саллааттары хсүүмэрдиир биир кэлим кииннэр үлэһиттэрэ бу туһугар үлэлииллэр. Байыаннай дьайыыга дьону сүүмэрдииргэ биир түннүк нөҥүө ылаллар. Бу кииннэр бары биир кэлим мэдиссиинэ уонна уйулҕа өттүнэн бэрэбиэркэлиир ипсисэлиистэринэн хааччыллыбыттар. Хандьыдааттары хамыыһыйа көрөн сүүмэрдиир. Пуун үлэһиттэрэ этэллэринэн, хантараак түһэрсибит саллаат байыаннай чааска ыытыллар, манна тиийэн байыаннай таҥаһынан-сабынан, сэбинэн хааччыллар уонна тактическай уо.д.а бэлэмнэниини ааһар.

РФ Сэбилэниилээх күүстэрин кытта байыаннай сулууспаҕа хантараак түһэрсибит киһиэхэ биир кэмнээх төлөбүр көрүллэр. Бу төлөбүр 1 мөл. 700 тыһ.солкуобайга тэҥнэһэр. Мантан 400 тыһ.солк.  — РФ Оборуонатын министиэристибэтиттэн, 300 тыһ.солк. — Саха  Өрөспүүбүлүкэтиттэн бэриллэр. Оттон эбии төлөбүрдэр улуустартан ананар. Ыраах улуустартан байыаннай сулууспаҕа хантараак түһэрсиэн баҕалаахтар олорор сирдэринэн байыаннай комиссариатыгар эбэтэр улуустарын дьаһалтатыгар сибээскэ тахсаллар.