Байыаннай дьайыыга Саха сириттэн эбии көмө тиийиэҕэ

Бүгүн, алтынньы 29 күнүгэр, байыаннай дьайыы бара турар сиригэр уочараттаах көмө: гуманитарнай таһаҕас, аадырыстаммыт баһыылкалар уонна үрдүк кыамталаах үс массыына, Аллараа Бэстээхтэн ыытыллыаҕа.

Ол туһунан Гражданскай оборуона уонна Саха сирин нэһилиэнньэтигэр олох-дьаһах куттала суох буолуутун хааччыйыы дьыалаларыгар миниистирэ Яна Наумова нэдиэлэтээҕи брифиҥҥэ иһитиннэрдэ.

«Байыаннай дьайыы сиригэр-уотугар  Саха сирин тирэх пууннара биһиги байыастарбытыгар эбии көмөнү тиһигин быспакка тириэрдэллэр. Ааспыт нэдиэлэҕэ Донбасска гуманитарнай көмө өссө биир баартыйатын, аадырыстаммыт баһыылкалары, ону сэргэ байыаннай тэрилтэлэр, уопсастыбаннай тэрилтэлэр уонна өрөспүүбүлүкэ олохтоохторо биэрбит 5 тиэхиньикэлэрин илдьибиттэрэ”, — диэтэ спикер.

Яна Наумова бэлиэтээн эппитинэн, Саха сирэ дьоһун суолталаах тэрээһиҥҥэ — «Народ и армия — едины 2025” пуорумҥа көхтөөхтүк бэлэмнэнэр.

“Бу күннэргэ өрөспүүбүлүкэҕэ пуруонтан трофейнай тиэхиньикэни аҕалбыттара. Ону Норуот сомоҕолоһуутун күнүгэр ким баҕалаах “Арассыыйа – мин устуоруйам” устуоруйа пааркатыгар баран көрүөн сөп”, — диэн Яна Наумова иһитиннэрдэ.

СӨ Ил Дарханын уонна бырабыыталыстыбатын пресс-сулууспата