Байыаннай дьайыыга Саха сириттэн өссө биир массыына тиийдэ

Мэҥэ Хаҥалас улууһун Аллараа Бэстээх бөһүөлэгин дьокутаата Владимир Гарькун байыаннай дьайыы буола турар сиригэр массыынаны тиксэрдэ. Кини массыынаны Донецкай норуодунай өрөспүүбүлүкэҕэ баар СӨ тирэх пуунугар туттарда.

«Аллараа Бэстээх дьаһалтатын резервнэй пуондатыттан байыаннай сулууспалаахтарга көмө үп тыырыллыбыта. Итиэннэ урбаанньыттар көмөлөспүттэрэ. Фронт наадаларыгар диэн урбаанньыт Бахтияр Хошимов массыына биэрбитэ», — диэн Владимир Гарькун иһитиннэрэр.

Бу туһунан СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.