Салгыы
Байыаннай дьайыыга сылдьааччылар дьиэ кэргэттэриниин көрүстүлэр

Байыаннай дьайыыга сылдьааччылар дьиэ кэргэттэриниин көрүстүлэр

Ааптар:
28.02.2023, 17:00
Ааптар хаартыскаҕа түһэриитэ
Бөлөххө киир:

 Бүгүҥҥүттэн, олунньу 28 күнүттэн, Чурапчыга Саха Өрөспүүбүлүкэтин Бырабыыталыстыбатын нэһилиэнньэҕэ отчуота саҕаланна.

Тыа хаһаайыстыбатын миниистирэ Александр Атласов салайааччылаах бөлөх байыаннай дьайыыга сылдьар дьон дьиэ кэргэттэрин кытары көрүстэ.
Билиҥҥи буола турар быһыыны-майгыны, өрөспүүбүлүкэ салалтатын өттүттэн байыаннай сулууспалаахтарга уонна кинилэр дьиэ кэргэттэригэр оҥоһуллар көмөлөр тустарынан билиһиннэрдилэр. Чурапчы улууһуттан соторутааҕыта байыаннай дьайыы буола турар сиригэр тиийэ сылдьыбыт дэлэгээссийэ салайааччыта Егор Сивцев иһитиннэрии оҥордо. Элбэх ыйытыылар киирэн эппиэттэннилэр.

Ааптар хаартыскаҕа түһэриитэ

Тыл этиитигэр мобилизация соһуччу, бэлэмэ суох ыытыллан кэргэттэрин, оҕолорун, аймахтарын эмискэ хомуйаннар улаханнык аймаммыттарын биллэрдилэр. Сорохтор билиҥҥэ диэри ханна бааллара биллибэтин, ыыппыт баһыылкалара тиийэ илигин, элбэхтэ ыйыталаһалларын, ирдэһэллэрин эттилэр. Сорох салайааччылар, балыыһа үлэһиттэрэ итиннэ тоҥуйдук сыһыаннаһалларыттан хомойоллорун биллэрдилэр. Инникитин байыаннай-врачевнай хамыыһыйа чуолкайдык, чиэһинэйдик үлэлииригэр, өрөспүүбүлүкэҕэ байыаннай тииптээх госпиталь, эмтиир тэрилтэ баар буоларыгар туруорустулар. Уоппускаҕа эбэтэр сулууспалаан бүтэн кэлээччилэргэ тустаах болҕомтону уурарга, реаблитациялааһыны ыытарга, көмө кэмигэр тиийиитин хонтуруоллаһарга санааларын үллэһиннилэр.

Ааптар хаартыскаҕа түһэриитэ

Улуус баһылыга Степан Саргыдаев Чурачыттан байыаннай эпэрээссийэҕэ сылдьааччыларга хас биирдиилэригэр болҕомто уурулларын, кинилэргэ тус бэйэлэригэр, дьиэ кэргэттэригэр көмө оҥоһулларын эттэ. Бу көрсүһүүгэ этиллибити учуоттуохпут, уолаттарбыт этэҥҥэ эргиллэн кэлэллэригэр бары бииргэ үлэлэһиэҕиҥ диэтэ. Сир ийэ үрдүгэр эйэлээх олох кэлэригэр баҕарда.

Алексей Слепцов,

Чурапчы.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 марта
  • -11°C
  • Ощущается: -18°Влажность: 40% Скорость ветра: 6 м/с

Сообщить об опечатке

Текст, который будет отправлен нашим редакторам: