Байыаннай дьайыыга сүтүктээх ийэ пуонда тэриллиитин биһирээтэ

Аҕа дойдуну көмүскээччилэр дьиэ кэргэттэрин кэмитиэтин Саха сиринээҕи салаатын чилиэнэ Альбина Винокурова уол оҕото дойдуну көмүскүү сылдьан кыргыһыы хонуутугар суорума суолламмыта.

Саллаат ийэтэ байыаннай дьайыы кыттыылаахтарын дьиэ кэргэттэрин өйүүр судаарыстыбыннай пуонда тэриллиитин туһунан Арассыыйа бэрэсидьиэнэ Владимир Путин этиитин сөптөөх быһаарыы диэн өйөөтө.

«Маннык пуонда араас күннээҕи да кыһалҕалары быһаарарга көмөлөһөр, өйүүр сөптөөх тэрилтэ буолуоҕа. Бэрэсидьиэн саҥа тэриллии бу хайысхаҕа бюрократия таһымын аччатыаҕа диэн эппитин ордук сөбүлүү иһиттим. Кырдьык, бары хамсаныы барыта кумааҕы толоруулаах, ордук хос дакаастааһыннаах буоларын бэйэм илэ көрсүбүтүм. Онон туспа пуонда тэриллэрэ олус оруннаах», — диэн эттэ Альбина Винокурова.