Байыаннай дьайыыга тутуу хампаанньалара, ассоциациялар 25 мөл.солк. көмөлөспүттэр

Бүгүн, сэтинньи 21 күнүгэр, Дьокуускай куоракка Донбаһы өйүүр Хотугулуу-Илиҥҥи пуонда байыаннай дьайыы кэмигэр туох үлэни ыыппытын, төһө үбү-харчыны көмөлөспүттэрин Тутуу министиэристибэтигэр отчуоттаата.

Хотугулуу-Илиҥҥи Донбаһы өйүүр пуонда дириэктэрэ Георгий Куркутов тутуу министиэристибэтигэр отчуотун иһитиннэрдэ. Ол курдук, бу сылга Тутуу министиэристибэтэ уонна онно сыһыарыылаах тэрилтэлэр уопсайа  байыаннай дьайыыга 2 мөлүйүөн 435 тыһыынча солкуобайы көмө хомуйбуттар.

Оттон бөдөҥ тутуу хампаанньалара, ассоциациялар, тэрилтэлэр бу сыалга анаан 25 мөлүйүөн солкуобайы хомуйан ыыппыттар. Ону таһынан тиэхиньикэлэр, таҥас-сап, бородууктанан оҥоһуллубут көмө барыта байыаннай дьайыыга тиэрдиллибитин туһунан Георгий Куркутов эттэ.