Байыаннай дьайыылар дьоруойдарын аатын эдэр армеецтар этэрээттэрэ сүгүөхтэрэ

     Быстах байыаннай дьайыыларга сылдьан дьоруойдуу охтубут полиция сержана Александр Гундарев уонна байыаннай сулууспалаах Егор Татаринов ааттарын олунньу 27 күнүгэр Дьокуускайдааҕы кадеттар оскуолаларын эдэр армеецтарын этэрээттэригэр иҥэрдилэр.

Бу быстах байыаннай дьайыылар дьоруойдарын ааттарын сүгэр Саха сиригэр бастакы эдэр армеецтартар этэрээттэрэ буолар.

«ЮНАРМИЯ» оҕо-ыччат хамсааһынын Саха сиринээҕи салаатын ыстаабын начальнига Александр Кузьмин эдэр армеецтар саха буойуннарын албан ааттарын харыстыахтара диэн эрэнэрин биллэрдэ.

Дьоруойдар чугас дьонноро, табаарыстара оҕолорго үөрэхтэригэр ситиһиини уонна Александр Гундарев, Егор Татаринов курдук Аҕа дойдуларын эрэллээх көмүскээччилэрэ, патриоттара буола үүнэллэригэр баҕардылар.

«Бизон» Росгвардия ОМОН-н сотруднига Александр Гундарев уонна Дьокуускайдааҕы кадеттар оскуолаларын выпускнига Егор Татаринов байыаннай дьайыыларга бойобуой сорудаҕы толоро сылдьан хорсун уонна дьоруойдуу быһыылары оҥорбуттарын иһин, өлбүттэрин кэннэ «Хорсун быһыы» уордьанынан наҕараадаламмыттара.

СӨ Ил Дарханын уонна Бырабыыталыстыбатын пресс-сулууспата