Байыаннай дьайыылар кыттыылаахтара көмөҕө кыттыһаллар

Сааскы ылааҥы күннэр тураннар, оҕо-аймах сибиэһэй салгыҥҥа дуоһуйа тыынар, хаһаайыстыбатын бэрийэр, дьиэ ис-тас үлэтин үмүрүтэр.

Дьокуускай куорат Строительнай уокуругар үлэлии сылдьыбыт, байыаннай дьайыылар кыттыылаахтара,  үөлээннээхтэрин огдооботугар дьиэ тас үлэтигэр көмөлөстүлэр, хаар күртүлэр, тастылар

«Бу аҕалара байыаннай дьайыыларга ытык иэһин, аҕа дойдутун көмүскүү сылдьан, дьоруойдуу охтубут байыас дьиэ кэргэнигэр көмөлөһөрбүт, биһиги ытык иэспит», — дииллэр уолаттар.

Маннык көмөнү оҥорор быһаарыныыны байыаннай дьайыыларга сылдьыбыт дьон бэйэлэрэ ылыммыттар, онуоха «Строительнай» уокурук икки аадырыһы биэрбит. Бүгүн олортон биирдэригэр эрэ көмөлөспүттэр. Аныгыс сырыыларга бүппэтэҕи ситэриэхпит диэн бигэ санаалаахтар.