Байыаннай дьайыыттан кэлбит буойуннары көрүстүлэр
24.01.2023, 10:38
Бөлөххө киир:
Суһал ыстаап бэрэссэдээтэлин солбуйааччы, СӨ нэһилиэнньэҕэ куттал суох буолуутун хааччыйар Судаарыстыбаннай кэмитиэт бэрэссэдээтэлэ Дмитрий Лепчиков Дьокуускай аэропордугар байыаннай дьайыыттан кэлбит буойуннары көрүстэ.
Бааһырбыт байыаннай сулууспалаахтар Саха сирин мэдиссиинискэй тэрилтэлэригэр доруобуйаларын чөлүгэр түһэрии кууруһун ааһыахтара.
«Байыаннай эпэрээссийэ саҕаланыаҕыттан биһиги биир дойдулаахтарбытыгар Саха сириттэн өйөбүл баар. Өрөспүүбүлүкэ Кировскай куораты чөлүгэр түһэриигэ улахан күүс-көмө буоларын билэбит. Биһиги төрөөбүт дойдубутунан киэн туттабыт», — диэн бүгүн дойдуларыгар эргиллэн кэлбит буойуннар санааларын үллэһиннилэр.
Байыаннай дьайыы кыттыылааҕын аҕата киниэхэ билэр-билбэт дьоно суруйаннар, патриот уолу иитэн таһаарбытын туһунан махтаналларын кэпсээтэ.
«Бүгүн олус долгутуулаах күн. Улахан уолбун номнуо иккиһин байыаннай дьайыыттан көрсөбүн. Кини биһиэхэ дьоруой буолар. Сулууспалыы сылдьан бааһырбыт уолаттарын таһаарбыта. Биһиги дьиҥнээх патриоту, дьоруойу иитэн таһаардыбыт диэн бүк эрэллээхпит», – диэн аҕата эбэн эттэ.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: