Байыаннай дьайыыттан кэлбит киһи үлэнэн хааччыллыа дуо?

Дьокуускай куорат олохтооҕо Елена кэргэнэ байыаннай дьайыылартан кэлэн баран, психологическай көмөнү ыла сылдьарын, доруобуйатын чөлүгэр түһэрэн бүттэҕинэ үлэҕэ киириэн баҕарарын, онно судаарыстыба өттүттэн туох көмө оҥоһуллуоҕун бүгүн Ил Дархан Айсен Николаевтан «Россия24» ханаалыгар быһа эпииргэ ыйытта.

«Байыаннай дьайыыттан бүтэн кэлбит дьоммутун үлэнэн хааччыйар сыалтан Дьарыктаах буолуу судаарыстыбаннай кэмитиэтигэр сайаапкалар киирэр түгэннэригэр бастакынан көмө оҥоһуллуохтааҕар сорук туруорбутум. Сайаапка киириитэ аҕыйах. Киирбит сайаапкаларынан үлэни таларга туһулуур үлэлэр, үлэни уларытан үөрэтии, үлэнэн хааччыйыы оҥоһуллар. Байыаннай дьайыылартан кэлбиттэр баҕаларын учуоттаан үлэҕэ киирэллэригэр көмө бары көрүҥэ оҥоһуллуо, ону ааһан кинилэр дьиэ кэргэннэрин чилиэннэрэ эмиэ маннык өҥөнөн туһанар кыахтаахтар», – диэтэ Айсен Николаев.