Байыаннай эбээһинэһин толорботох эдэр атыыһыт эппиэтинэскэ тардылынна
СӨ ИДьМ сулууспатын иммиграционнай хонтуруоллуур отделын үлэһиттэрэ Ойуунускай аатынан уулуссаҕа элбэх кыбартыыралаах олорор дьиэ бастакы этээһигэр фрукта уонна оҕуруот аһын атыы- эргиэн павильонугар сырыттылар.
Полицейскайдар маҕаһыыҥҥа атыыһытынан 2022 сыллаахха Арассыыйа гражданствотын ылбыт 21 саастаах Киргизия Өрөспүүбүлүкэтин олохтооҕун туттулар. Докумуоннары бэрэбиэркэлиир кэмигэр, эдэр киһи пааспарыгар байыаннай учуокка турбутун туһунан бэлиэ суоҕа быһаарылынна. Салгыы чуолкайдыырга полиция үлэһиттэринэн эдэр киһи байыаннай комиссариатка аҕалыллыбыт. Түмүгэр административнай эппиэтинэскэ тардыллыбыт уонна 3 тыһ. солк. суумаҕа ыстарааптаммыт.
Билигин туһааннаах бэбиэскэнэн эдэр киһи байыаннай сулууспаҕа сөптөөх мэдииссинэ хамыыһыйатын ааһыаҕа диэн СӨ ИДьМ пресс-сулууспата иһитиннэрэр.
Сообщить об опечатке
Текст, который будет отправлен нашим редакторам: