Байыаннай эпэрээссийэ байыастарыгар бырааһынньыктааҕы бэлэхтэри бэлэмнииллэр

Саха сириттэн байыаннай эпэрээссийэҕэ сылдьар байыаннай сулууспалаахтарга тохсунньу ортото тырааныспардары тириэртилэр. Бу күннэргэ Дьокуускай куоракка СӨ Биир кэлим сүрүннүүр киинин суһал штаба 6 массыынаттан турар колоннаны ыытарга бэлэмнэнэр.

Ол туһунан тохсунньу 18 күнүгэр суһал штаб бэрэстэбиитэлэ Анна Винокурова брифиҥҥэ иһитиннэрдэ.

Ону таһынан суһал штаб байыастарга бырааһынньыктааҕы бородуукта нобуорун бэлэмниир, ону Аҕа дойдуну көмүскээччилэр күннэригэр  ыытыахтара.

«Онуоха эт уонна балык бородууксуйатын олохтоох оҥорооччулары  кытары былааннаах үлэ ыытыллар. Ону таһынан байыаннай сулууспалаахтартан сайаапкалары хомуйар, пуруоҥҥа чопчу туох наадатын билэр, ДНР-га уонна ЛНР-га өрөспүүбүлүкэ тирэх пууннарыгар көмөлөһөр туһугар суһал штаб бэрэстэбиитэллэрэ барыахтара”, — диэн Анна Винокурова эбэн эттэ.