Хаартыска: "Дойдуну көмүскээччилэр" пуонда
“Дойдуну көмүскээччилэр” пуонда тэрийбит “Бииргэ кыайыахпыт” диэн байыаннай эпэрээссийэ бэтэрээннэрин иккис пуорумун чэрчитинэн ыытыллыбыт “Патриот” конгресснай-быыстапка киинигэр бэтэрээннэри мэдиссиинискэй-социальнай чөлүгэр түһэрии “Возвращение” бырагырааматын билиһиннэрдилэр.
Пуорумҥа дойду 89 эрэгийиэниттэн 400-тэн тахса демобилизацияламмыт байыас уонна пуонда эрэгийиэннээҕи салааларын социальнай сүрүннээччилэрэ уонна салайааччылара, былаас уонна экспертнай уопсастыба бэрэстэбиитэллэрэ кытыннылар.
«Реаниматология уонна реабилитология федеральнай научнай-килиниичэскэй киинэ мэйиилэригэр эчэйиилээх дьону кытары үлэлиир. Ол иһин, бу киин исписэлиистэрэ байыаннай эпэрээссийэ ыытыллар саҥа сирдэригэр тиийиилэрэ тэриллибитэ. Кинилэр ыйтан ордук кэм устата өйө-төйө суох сыппыт сүүһүнэн байыастары санитарнай авиациянан аҕалбыттара уонна доруобуйаларын чөлүгэр түһэрбиттэрэ. Мин тус бэйэм ити байыастары кытары кэпсэппитим. Кинилэр билигин олоххо толору төннөр кыахтаахтар”, — диэн “Дойдуну көмүскээччилэр” пуонда бэрэссэдээтэлэ Анна Цивилева эттэ.
Реаниматология уонна реабилитология федеральнай научнай-килиниичэскэй киинин дириэктэрэ Андрей Гречко кэпсээбитинэн, 2023 сылтан биригээдэлэр сытар балыыһалар уонна эвакуационнай подразделениелар быһыыларынан уонна Луганскайга уонна Ростов-на-Дону тирэх балыыһалар базаларыгар тэриллибиттэрэ.
Санатан эттэххэ, РФ бэрэсидьиэнэ Владимир Путин сорудаҕынан байыаннай дьайыы кыттыылаахтарын өйүүр «Защитники Отечества» судаарыстыбаннай пуонда аһыллыбыта.
#владимирпутин
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…