Бүгүн Дьокуускайга анал байыаннай эпэрээссийэ кыттыылааҕа Николай Потапов кэллэ.
Төрөөбүт дойдутугар эргиллэн кэлбит байыаннай сулууспалааҕы төрөппүттэрин уонна доҕотторун кытта СӨ инновацияҕа, сыыппара сайдыытыгар уонна инфокоммуникационнай технологияларга миниистирэ Анатолий Семенов, СӨ ыччакка уонна социальнай коммуникацияларга миниистирэ Петр Шамаев, “Якутия” технопарка резиденнэрэ көрүстүлэр.
“Эргиллэн кэлбиппиттэн үөрэбин. Онно бырааттарбыт хааллылар, кинилэр эмиэ сотору кэлиэхтэрэ. Барыта этэҥҥэ буолуоҕа!”, — диэн Николай Потапов эттэ.
Николай эмчит идэлээх буолан, мэдиссиинэ взводун салайан, анал байыаннай эпэрээссийэҕэ Чуумпу акыйааннааҕы флот муоратааҕы пехотатын биригээдэтин састаабыгар кыттыбыта. Ыарахан киирсиигэ бааһырбыт үгүс саллааты кыргыһыы хонуутуттан быыһаабыта, бэйэтэ эмиэ эчэйбитэ. Эпэрээссийэлэнэн баран, Саха сиригэр эргилиннэ, аны доруобуйатын чөлүгэр түһэриэҕэ.
“Николай биһиги ИТ-холбоһукпутугар дьиҥнээх дьоруойунан буолла. Ыарахан тургутууну ааһан да баран, кини эрэллээх уонна кытаанах санаалаах. Кини этэринэн, кини дойду сайдыытын туһугар саҥа технологичнай бырайыактарга үлэлииргэ бэлэм. Николайы устудьуон кэммиттэн билэбин. Үгүс бырайыактарынан бииргэ үлэлээбиппит. Николай Потапов эдэр ыччакка холобурунан буолар”, — диэтэ СӨ инновацияҕа, сыыппара сайдыытыгар уонна инфокоммуникациолннай технологияларга миниистирэ Анатолий Семенов.
Николай Потапов “Автономные технологии” ИТ-хампаанньаны уонна ExpoSkills ИТ-оскуоланы төрүттээбитэ, “Якутия” технопаарка резиденэ, “Биир ньыгыл Арассыыйа” баартыйаттан Дьокуускай куорат Дууматын үһүс ыҥырыылаах дьокутаата. Бырайыактарыттан биирдэстэрэ — “Ведроид” робот.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска: тустаах министиэристибэттэн
Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар муниципалитеттар икки ардыларынааҕы оптуобус сырыыта быстах…
«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Тайах оҕото"…
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…
Ньурба улууһугар полиция үлэһиттэрэ Саҥа дьыл түүнүгэр тыаҕа муммут уонна суолга хаарга хаайтарбыт массыыналаах ыалга…
Дьокуускай куорат борокуратуурата криптовалютаҕа инвестициялыыр аатыран дьон үбүн-харчытын уорууга сыһыаннаах холуобунай дьыаланы суукка ыытта. Бу…