Хаартыска: www.sakha.gov.ru
Ил Дархан Айсен Николаев ыйааҕыгар сөп түбэһиннэрэн, нуорма-быраап аакталарыгар олоҕуран, СӨ Бырабыыталыстыбата байыаннай эпэрээссийэ кыттыылаахтарыгар уонна кинилэр дьиэ кэргэттэригэр өйөбүл миэрэлэри салгыыр. Өрөспүүбүлүкэҕэ барыта эрэгийиэн таһымнаах 19 өйөбүл миэрэ көрүллэр, ол иһигэр мэдиссиинэ уонна социальнай өттүнэн доруобуйаларын чөлүгэр түһэрии, үлэ булууларыгар көмөлөһүү, идэлэрин хайысхатын уларытан хат үөрэниилэрэ, байыаннай эпэрээссийэ кыттыылаахтарын оҕолоругар чэпчэтии киирэллэр.
“Күн бүгүн мэдиссиинэ уонна социальнай өттүнэн доруобуйаларын чөлүгэр түһэриини 201 байыаннай сулууспалаах уонна кинилэр дьиэ кэргэттэрин 258 чилиэнэ ааста. 90 дьиэ кэргэн чилиэнэ байыаннай сулууспалаах эмтэнэр сиригэр барарыгар материальнай көмөнү ылла. 31 ыал олорор дьиэтигэр гаас киллэрэригэр көмөнү туһанна. 51 төрөппүт санаторийга-курортка эмтэнэр быраабы ылла, Арассыыйаҕа ханна баҕарар эмтэнэр бырааптаахтар. 71 киһи сир нолуогуттан босхолонно уонна биирдиилээн дьон баайга-дуолга нолуогар чэпчэтиинэн туһанна”, — диэн брифинг кэмигэр СӨ Бырабыыталыстыбатын бэрэссэдээтэлин солбуйааччы Георгий Степанов иһитиннэрдэ.
Өрөспүүбүлүкэҕэ байыаннай эпэрээссийэ кыттыылаахтарыгар, байыаннай эпэрээссийэҕэ сылдьан уонна Луганскай, Донецкай уобаластартан суох буолбут байыастар дьиэ кэргэттэрин өйүүр “Аҕа дойдуну көмүскээччилэр” судаарыстыбаннай пуонда эрэгийиэннээҕи салаата аһыллыытыгар бэлэмнэнии үлэтэ барар.
“РФ бэрэсидьиэнэ Владимир Путин ыйааҕынан аһыллыахтаах судаарыстыбаннай пуонда эрэгийиэннээҕи салаата бу сыл бэс ыйын 1 күнүттэн үлэтин саҕалыаҕа. Ыам ыйыгар РФ Барабыыталыстыбата судаарыстыбаннай пуонда устаабын бигэргэппитэ. Бастакы ылыллыбыт 30 координатор үөрэх бастакы түһүмэҕин Хабаровскайга РФ Бэрэсидьиэнин норуотун хаһаайыстыбатын уонна судаарыстыбаннай сулууспатын Арассыыйатааҕы академиятын Уһук Илиҥҥи салайар управлениеҕа институтугар үөрэннэ. Социальнай координатордар дуоһунастарыгар сорунааччылары салгыы ылабыт”, — диэн Георгий Степанов эттэ.
Ил Дархан уонна Бырабыыталыстыба пресс-сулууспата.
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…