Байыаннай эпэрээссийэ кыттыылааҕын дьиэтин киин ититэр ситимҥэ холбуохтара

Абый улууһун Киэҥ Күөл сэлиэнньэтиттэн анал байыаннай эпэрээссийэ кыттыылааҕын дьиэтин киин ититэр ситимҥэ холбуохтара. Бу туһунан Бырабыыталыстыба бэрэссэдээтэлин бастакы солбуйааччы Дмитрий Садовников тустаах нэһилиэккэ бырабыыталыстыба отчуотун кэмигэр иһитиннэрдэ.

Уолбут нэһилиэгэр “Киин” хочуолунай  2018 сыллаахха СӨ ОДьКХ тэрилтэтин инвестиционнай бырагырааматынан тутуллубута. Хочуолунай социальнай эбийиэктэри уонна олорор дьиэлэри хааччыйар эрээри, толору кыаҕынан туһаныллыбат. Ититэр ситими өссө 9 дьиэҕэ тардар ирдэнэр.

“Биһигини кытта мобилизацияламмыт саллаат дьиэ кэргэнэ сибээстэһэ сырытта. Кинилэр дьиэлэрэ киин ититэр ситимҥэ өссө да холбоно илик. СӨ ОДьКХ тустаах боппуруоһу болҕомтото суох хаалларбат. Ситим оттук кэлэр сезонугар диэри тардыллыаҕа. Ону кытта аттыгар турар өссө икки дьиэ хочуолунайга холбонуохтара”, — диэн Дмитрий Садовников эттэ.

Ити курдук, маһынан оттуллар 6 олорор дьиэ эрэ хаалыаҕа. Олорго ситими тардыы боппуруоһа чугастааҕы сылларга инники күөҥҥэ турар.

Санатан эттэххэ, кэлиҥҥи 10 сылга Абый улууһугар 12 хочуолунайы туттулар, саҥартылар. Хочуолунайы сэргэ канализациннай ситимнэри, гараастары, автовесовойдар (автовесовые Александр Иннокентьевич, бу туох диэн буолар?) тутуллаллар. Уопсай суумата 381 мөл. солк. тэҥнэһэр.

2015-2022 сылларга чааһынай дьиэлэри киин ититэр ситимҥэ холбуур тэрээһиннэр чэрчилэринэн, сылаас 7 нэһилиэнньэлээх пуун 248 биирдиилээн олорор дьиэтигэр киирбит.

СӨ Ил Дарханын уонна Бырабыыталыстыбатын пресс-сулууспата.